ಪ್ರತ್ಯೇಕ ಅಪಘಾತ ಆರು ಸಾವು

ಕಲಬುರ್ಗಿ: ಜೇವರ್ಗಿ ಪಟ್ಟಣದಲ್ಲಿ ಹಾಗೂ ನಗರ ಹೊರವಲಯದ ನಂದೂರ– ಶಹಾಬಾದ ರಸ್ತೆಯಲ್ಲಿ ಶನಿವಾರ ರಾತ್ರಿ ಸಂಭವಿಸಿದ ಪ್ರತ್ಯೇಕ ರಸ್ತೆ ಅಪಘಾತಗಳಲ್ಲಿ ಆರು ಜನರು ಮೃತಪಟ್ಟಿದ್ದಾರೆ.

ಜೇವರ್ಗಿ ಪಟ್ಟಣದ ಎನ್‌ಇಕೆಆರ್‌ಟಿಸಿ ಡಿಪೊ ಬಳಿ ನಿಂತಿದ್ದವರಿಗೆ ಟಿಪ್ಪರ್ ಡಿಕ್ಕಿ ಹೊಡೆದು ನಾಲ್ಕು ಜನರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಲಕ್ಷ್ಮಿ ಮೇತ್ರಿ (50), ದಶವ್ವ (45), ಇವರ ಮಗಳು ಸುನಿತಾ (2) ಮತ್ತು ನಾಲ್ಕು ವರ್ಷದ ಬಾಲಕ ಮೃತಪಟ್ಟಿದ್ದು, ಆತನ ವಿವರ ತಿಳಿದು ಬಂದಿಲ್ಲ. ದುಗ್ಗವ್ವ (45) ಗಂಭೀರವಾಗಿ ಗಾಯಗೊಂಡಿದ್ದು ಇವರನ್ನು ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. ಇವರೆಲ್ಲರೂ ತೆಲಂಗಾದವರು.

ಶಹಾಬಾದ ಬಳಿ ಕ್ಯಾಂಟರ್ ಡಿಕ್ಕಿ ಹೊಡೆದು ಬೈಕ್ ಮೇಲೆ ತೆರಳುತ್ತಿದ್ದ ಸಿದ್ಧಪ್ಪ ತಾಯಪ್ಪ (26), ಅಂಬ್ರೀಶ ಮಲ್ಲಪ್ಪ (27) ಸ್ಥಳದಲ್ಲೇ ಮೃತಪಟ್ಟಿ
ದ್ದಾರೆ. ಇವರಿಬ್ಬರೂ ಇಟ್ಟಿಗೆ ಬಟ್ಟಿಯಲ್ಲಿ ಕೆಲಸ ಮಾಡುತ್ತಿದ್ದರು.