ವಸುಮತಿ ಉಡುಪ ವರ್ಷದ ಲೇಖಕಿ

ಬೆಂಗಳೂರು: ಕರ್ನಾಟಕ ಲೇಖಕಿಯರ ಸಂಘ ಕೊಡಮಾಡುವ ‘ವರ್ಷದ ಲೇಖಕಿ–ಅಂಕಿತ ಪುಸ್ತಕ ಪುರಸ್ಕಾರ’ಕ್ಕೆ ಲೇಖಕಿ ವಸುಮತಿ ಉಡುಪ ಆಯ್ಕೆಯಾಗಿದ್ದಾರೆ.

ವಸುಮತಿ ಉಡುಪ ಅವರ 21 ಕಥಾ ಸಂಕಲನಗಳು ಈವರೆಗೆ ಪ್ರಕಟವಾಗಿವೆ.ಅಂಕಿತ ಪುಸ್ತಕ ಪ್ರಕಾಶನವುಕರ್ನಾಟಕ ಲೇಖಕಿಯರ ಸಂಘದಲ್ಲಿ ದತ್ತಿಯನ್ನು ಸ್ಥಾಪಿಸಿದ್ದು,ಈ ಪ್ರಶಸ್ತಿ ₹ 35 ಸಾವಿರ ನಗದು ಹಾಗೂ ಪ್ರಶಸ್ತಿ ಫಲಕ ಹೊಂದಿದೆ.

ಸಂಘವು ಭಾನುವಾರ (ಸೆ.8) ಬೆಳಿಗ್ಗೆ 10.30ಕ್ಕೆ ಕನ್ನಡ ಸಾಹಿತ್ಯ ಪರಿಷತ್ತಿನಲ್ಲಿ ಪ್ರಶಸ್ತಿ ಪ್ರದಾನ ಸಮಾರಂಭ ಹಮ್ಮಿಕೊಂಡಿದೆ. ಕವಿ ಪ್ರೊ. ದೊಡ್ಡರಂಗೇಗೌಡ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ.