ವಿದ್ಯಾರ್ಥಿಗಳ ಬಂಧನ

ಬೆಂಗಳೂರು: ಆಚಾರ್ಯ ಎಂಜಿನಿಯರಿಂಗ್ ಕಾಲೇಜು ವಿದ್ಯಾರ್ಥಿ ರಿಚರ್ಡ್ ಲೋಯ್ಟಾಮ್ ಸಾವಿನ ಪ್ರಕರಣ ಸಂಬಂಧ ಇಬ್ಬರು ವಿದ್ಯಾರ್ಥಿಗಳನ್ನು ಸಿಐಡಿ ಪೊಲೀಸರು ಬಂಧಿಸಿದ್ದಾರೆ.ರಿಚರ್ಡ್‌ನ ಸಹಪಾಠಿ ವಿಶಾಲ್ ಬ್ಯಾನರ್ಜಿ (19) ಹಾಗೂ ಎಂಬಿಎ ವಿದ್ಯಾರ್ಥಿ ಸೈಯದ್ ಅಫ್ಜಲ್ ಆಲಿ ಬಂಧಿತರು.
 
ರಿಚರ್ಡ್ ಸಾವಿನ ಹಿಂದಿನ ದಿನ (ಏ.16) ಆರೋಪಿಗಳು ರಿಚರ್ಡ್‌ನೊಂದಿಗೆ ಜಗಳವಾಡಿಕೊಂಡು ಆತನ ಮೇಲೆ ಹಲ್ಲೆ ನಡೆಸಿದ್ದರು ಎಂಬುದು ತನಿಖೆಯಿಂದ ಗೊತ್ತಾಗಿದೆ. ಆರೋಪಿಗಳನ್ನು 14 ದಿನಗಳವರೆಗೆ ನ್ಯಾಯಾಂಗ ಬಂಧನದಲ್ಲಿರಿಸಿ ನ್ಯಾಯಾಲಯ ಆದೇಶಿಸಿದೆ.