‘ಅನನ್ಯ ಶಾಖೆ’ ಯೋಜನೆಗೆ ಚಾಲನೆ

ಬೆಂಗಳೂರು:  ಗ್ರಾಹಕರಿಗೆ ಉತ್ಕೃಷ್ಟ ಸೇವೆ ಒದಗಿಸುವ ಸಲುವಾಗಿ ಶಾಖೆಗಳನ್ನು ಆಧುನೀಕರಣಗೊಳಿಸುವ  ‘ಅನನ್ಯ ಶಾಖೆ’ ಯೋಜನೆಯನ್ನು ಸಿಂಡಿಕೇಟ್‌ ಬ್ಯಾಂಕ್‌ ಆರಂಭಿಸಿದೆ.

ಬ್ಯಾಂಕಿನ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಅರುಣ್‌ ಶ್ರೀವಾಸ್ತವ್‌ ಅವರು ಬ್ಯಾಂಕಿನ ಇಂದಿರಾನಗರ ಶಾಖೆಯಲ್ಲಿ ಗುರುವಾರ ಈ ಯೋಜನೆಗೆ ಚಾಲನೆ ನೀಡಿದರು.

‘ಶೂಲೆ, ವಿ.ವಿ.ಪುರ, ಶೇಷಾದ್ರಿಪುರ ಶಾಖೆಗಳನ್ನು ಅನನ್ಯ ಯೋಜನೆಯಡಿ ಆಧುನೀಕರಣಗೊಳಿಸಲಾಗಿದೆ. ಬ್ಯಾಂಕ್‌ ಇನ್ನು 6 ತಿಂಗಳುಗಳಲ್ಲಿ ಶೇಕಡಾ 10ರಷ್ಟು ಶಾಖೆಗಳನ್ನು ಈ ಯೋಜನೆ ಅಡಿ ಮೇಲ್ದರ್ಜೆಗೇರಿಸುವ ಉದ್ದೇಶವಿದೆ. ಡಿಜಿಟಲ್‌ ತಂತ್ರಜ್ಞಾನದ  ವಿವಿಧ ಸೌಲಭ್ಯಗಳನ್ನು ಹೊಂದಿರುವ ಈ ಶಾಖೆಗಳಲ್ಲಿ ತ್ವರಿತವಾಗಿ ಖಾತೆ ಆರಂಭಿಸುವ ಸೇವೆಯೂ  ಲಭ್ಯ’ ಎಂದು ಬ್ಯಾಂಕಿನ ಪ್ರಧಾನ ವ್ಯವಸ್ಥಾಪಕ ಅತುಲ್‌ ಕುಮಾರ್‌ ತಿಳಿಸಿದರು. ಪ್ರಧಾನ ವ್ಯವಸ್ಥಾಪಕ ಕೆ.ಟಿ.ರೈ ಉಪಸ್ಥಿತರಿದ್ದರು.