ಕೆ.ಆರ್.ಪುರ: ಆಂಜನೇಯಸ್ವಾಮಿ ದೇವಸ್ಥಾನ ಜೀರ್ಣೋದ್ಧಾರ

ಕೆ.ಆರ್.ಪುರ: ಇತಿಹಾಸ ಪ್ರಸಿದ್ಧ ಶ್ರೀ ಅಭಯ ವರಪ್ರದ ಆಂಜನೇಯ ಸ್ವಾಮಿ ದೇವಸ್ಥಾನದ ಜೀರ್ಣೋದ್ಧಾರ, ಪುನರ್ ಪ್ರತಿಷ್ಠಾಪನೆ ಮತ್ತು ಮಹಾ ಕುಂಭಾಭಿಷೇಕ ಕಾರ್ಯಕ್ರಮ ಅದ್ದೂರಿಯಾಗಿ ನಡೆಯಿತು.

ವರಪ್ರದ ಆಂಜನೇಯ ಸ್ವಾಮಿ, ಕೆ.ಆರ್‌.ಪುರ ಸುತ್ತಮುತ್ತಲಿನ ಗ್ರಾಮಗಳ ಆರಾಧ್ಯ ದೈವವಾಗಿದೆ. ಸುಮಾರು ಐವತ್ತು ವರ್ಷಗಳ ಹಿಂದೆ ನಿರ್ಮಾಣಗೊಂಡಿರುವ ಈ ದೇವಾಲಯವನ್ನು ಭಕ್ತರ ಆಶಯದಂತೆ ಜೀರ್ಣೋದ್ಧಾರ ಮಾಡಲಾಗಿದೆ. 

ಮಹಾಸಂಕಲ್ಪ, ವಿಶ್ವಾಕ್ಷೇನಾರಾಧನೆ, ಭಗವತ್ ಪುಣ್ಯಾಹವಾಚನ, ದ್ವಾರಾಧನೆ ದೇವಪಾರಾಯಣ, ಮಹಾಕುಂಭ, ಉಪಕುಂಭ ಸೇರಿದಂತೆ ವಿವಿಧ ಪೂಜೆಗಳು ನಡೆದವು. ಸಂಜೆ ಶ್ರೀಆಂಜನೇಯಸ್ವಾಮಿಯ ಹೂವಿನ ಪಲ್ಲಕ್ಕಿ ಉತ್ಸವ ನಡೆಯಿತು.

ಶಾಸಕ ಬೈರತಿ ಬಸವರಾಜ ಅವರು ಮಹಾಕುಂಭಾಭಿಷೇಕ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು. ಧರ್ಮದರ್ಶಿಗಳಾದ ಕೆ.ಆರ್.ಸರಸ್ವತಮ್ಮ, ಹೇಮಂತ್ ಚಿನ್ನಿ, ಕೆ.ಆರ್.ತೇಜಸ್ ಬುಜ್ಜಿ ಕುಟುಂಬದವರು 15 ಸಾವಿರಕ್ಕೂ ಹೆಚ್ಚು ಭಕ್ತರಿಗೆ ಅನ್ನದಾನ ಏರ್ಪಡಿಸಿದ್ದರು. ದೇವಸ್ಥಾನದ ಅಧ್ಯಕ್ಷ ಕೆ.ಎನ್.ಎಲ್ಲಪ್ಪ ಇದ್ದರು.