ಎಸ್ಸೆಸ್ಸೆಲ್ಸಿ ಮರುಮೌಲ್ಯಮಾಪನ: ಅಂಕಿತಾಗೆ ಅಗ್ರಸ್ಥಾನ, ತುಳಸಿ, ಕಾವ್ಯ ದ್ವಿತೀಯ

ಬೆಂಗಳೂರು:ಬೆಂಗಳೂರು ಉತ್ತರ ಶೈಕ್ಷಣಿಕ ಜಿಲ್ಲೆಯ ನಾಗಸಂದ್ರ ಬಳಿಯ ವಿಡಿಯಾ ಪೂರ್ಣಪ್ರಜ್ಞ ಪ್ರೌಢಶಾಲೆಯ ಅಂಕಿತಾ ಶ್ರೀನಾಥ್ ಗಾರ್ಗ್ಯ, ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ 625ಕ್ಕೆ 625 ಅಂಕಗಳನ್ನು ಗಳಿಸುವ ಮೂಲಕ ರಾಜ್ಯಕ್ಕೆ ಪ್ರಥಮ ಸ್ಥಾನ ಪಡೆದಿದ್ದಾಳೆ. ಈ ಮೊದಲು, 623 ಅಂಕ ಗಳಿಸಿದ್ದಳು. ಇಂಗ್ಲಿಷ್‌ನಲ್ಲಿ 98 ಅಂಕ ಬಂದಿತ್ತು. ಮರುಮೌಲ್ಯಮಾಪನದ ನಂತರ, 100 ಅಂಕಗಳು ಬಂದಿವೆ.

ಬೆಂಗಳೂರಿನ→ಟಾಟಾ ಸಿಲ್ಕ್‌ ಫಾರ್ಮ್‌ನಲ್ಲಿನ ಶ್ರೀ ಕುಮಾರನ್‌ ಶಾಲೆಯ ವಿದ್ಯಾರ್ಥಿನಿ ತುಳಸಿ ಜಿ. ರಾಯಸ ಮತ್ತು ಶಿವಮೊಗ್ಗದ ಪ್ರಿಯದರ್ಶಿನಿ ಪ್ರೌಢಶಾಲೆಯ ವಿದ್ಯಾರ್ಥಿನಿ ಕಾವ್ಯ ಮರು ಮೌಲ್ಯಮಾಪನದ ನಂತರ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ತಲಾ 624 ಅಂಕ ಗಳಿಸುವ ಮೂಲಕ ರಾಜ್ಯಕ್ಕೆ ಎರಡನೇ ಸ್ಥಾನ ಪಡೆದಿದ್ದಾರೆ.