ವಜ್ರ ಬಸ್‌ ಪ್ರಯಾಣ ದರ ಇಳಿಕೆ

ಬೆಂಗಳೂರು: ಬಿಎಂಟಿಸಿ ಹವಾನಿಯಂತ್ರಿತ ‘ವಜ್ರ’ ಬಸ್‌ಗಳಿಗೆ ಪ್ರಯಾಣಿಕರನ್ನು ಸೆಳೆಯಲು ಮುಂದಾಗಿರುವ ಬಿಎಂಟಿಸಿ, ಪ್ರಯಾಣದರ ಮತ್ತು ಪಾಸ್‌ಗಳ ದರ ಇಳಿಕೆ ಮಾಡಲು ನಿರ್ಧರಿಸಿದೆ.

‘ಪ್ರಯಾಣ ದರ, ಮಾಸಿಕ ಮತ್ತು ದೈನಂದಿನ ಪಾಸ್ ದರದಲ್ಲಿ ಶೇ 20ರಷ್ಟು ಕಡಿಮೆಯಾಗಲಿದ್ದು, ಜ.1ರಿಂದ ಹೊಸ ದರ ಅನ್ವಯವಾಗಲಿದೆ. ಸಾಮಾನ್ಯ ಬಸ್‌ಗಳು ಮತ್ತು ವಾಯುವಜ್ರ ಬಸ್‌ಗಳ ಪ್ರಯಾಣ ದರದಲ್ಲಿ ಯಾವುದೇ ಬದಲಾವಣೆ ಇಲ್ಲ’ ಎಂದು ಬಿಎಂಟಿಸಿ ಸ್ಪಷ್ಟಪಡಿಸಿದೆ.