ಕೈಗಾರಿಕೆ ಆರಂಭ: ಸರ್ಕಾರದಿಂದ ಸುತ್ತೋಲೆ

ಬೆಂಗಳೂರು: ಲಾಕ್‌ಡೌನ್‌ ವಿಸ್ತರಣೆಯಾಗಿದ್ದರೂ ಕೆಲ ನಿಯಮಗಳಿಗೆ ಒಳಪಟ್ಟು ಕೈಗಾರಿಕೆಗಳನ್ನು ಆರಂಭಿಸಲು ಸರ್ಕಾರ ಅವಕಾಶ ಕಲ್ಪಿಸಿದೆ.

ಕೈಗಾರಿಕೆಗಳು, ಐಟಿ ಕಂಪೆನಿಗಳು, ಡಾಟಾ ಮತ್ತು ಕಾಲ್‌ ಸೆಂಟರ್‌ಗಳು, ಟೆಲಿ ಕಮ್ಯುನಿಕೇಷನ್, ಇಂಟರ್ನೆಟ್‌ ಸೇವೆಗಳು ಹಾಗೂ ಇನ್‌ಕ್ಯೂಬಲೇಟರ್‌ ಸೇವೆಗಳನ್ನು ಒದಗಿಸಲು ಸರ್ಕಾರ ಅನುಮತಿ ನೀಡಿದೆ.

ಚಟುವಟಿಕೆ ಆರಂಭಿಸಲು ಇಚ್ಛಿಸುವ ಕಂಪನಿಗಳು www.kum.karnataka.gov.in ವೆಬ್‌ಸೈಟ್‌ನಲ್ಲಿರುವ ಸೂಚನೆಗಳನ್ನು ಗಮನಿಸಬೇಕು. ಆನ್‌ಲೈನ್ ಮೂಲಕವೇ ಸ್ವಯಂ ಘೋಷಣೆಯನ್ನೂ ಸಲ್ಲಿಸಬೇಕು ಎಂದು ರಾಜ್ಯ ಸರ್ಕಾರ ಸೂಚನೆ ನೀಡಿದೆ.