ಯಶವಂತಪುರ ಇಂಟರ್‌ಸಿಟಿ ವಾಸ್ಕೊಡಗಾಮಾವರೆಗೆ ವಿಸ್ತರಣೆ
ಹುಬ್ಬಳ್ಳಿ: ಯಶವಂತಪುರ–ಹರಿಹರ–ಯಶವಂತಪುರ ಎಕ್ಸ್‌ಪ್ರೆಸ್‌ ರೈಲು ಸಂಚಾರವನ್ನು ವಾಸ್ಕೊಡ ಗಾಮಾವರೆಗೂ ವಿಸ್ತರಿಸಲಾಗಿದೆ.
ಯಶವಂತಪುರ ಹರಿಹರ ನಡುವೆ ವಾರದಲ್ಲಿ ಮೂರು ಬಾರಿ ಸಂಚರಿಸುತ್ತಿದ್ದ ಇಂಟರ್‌ಸಿಟಿ ರೈಲು ಇನ್ನು ಮುಂದೆ ಯಶವಂತಪುರ–ವಾಸ್ಕೊ ಡ ಗಾಮಾ ಎಕ್ಸ್‌ಪ್ರೆಸ್‌ (ರೈಲು ಸಂಖ್ಯೆ:07309, 07310) ವಾರದಲ್ಲಿ ಐದು ದಿನ ಸಂಚರಿಸಲಿದೆ.
ನ.8ರಿಂದ ಯಶವಂತಪುರ– ವಾಸ್ಕೊ ಡ ಗಾಮಾ ರೈಲು ಯಶವಂತಪುರದಿಂದ ಮಧ್ಯಾಹ್ನ 2.30ಕ್ಕೆ ಹೊರಡಲಿದ್ದು, ಮರು ದಿನ ಸಂಜೆ 6ಕ್ಕೆ ವಾಸ್ಕೊ ಡ ಗಾಮಾ ತಲುಪಲಿದೆ. ಮಂಗಳವಾರ, ಭಾನುವಾರ ಹೊರತು ಪಡಿಸಿ ಉಳಿದ ಐದು ದಿನ ಸಂಚರಿಸಲಿದೆ.
ನ.10 ರಂದು ವಾಸ್ಕೊ ಡ ಗಾಮಾದಿಂದ ರಾತ್ರಿ 9.20ಕ್ಕೆ ಹೊರಡಲಿದ್ದು, ಮರುದಿನ ಯಶವಂತಪುರಕ್ಕೆ ಮಧ್ಯಾಹ್ನ 12.30ಕ್ಕೆ ತಲುಪಲಿದೆ. ರೈಲು ಸಂಚಾರ ವಿಸ್ತರಣೆ ಹಿನ್ನೆಲೆಯಲ್ಲಿ ನ.9 ರಿಂದ ಹುಬ್ಬಳ್ಳಿ–ಮೀರಜ್‌ ಲಿಂಕ್‌ ಎಕ್ಸ್‌ಪ್ರೆಸ್‌ (06948), ವಾಸ್ಕೊಡಗಾಮಾ–ಕೆಎಸ್‌ಆರ್‌ ಬೆಂಗಳೂರು (02779) ರೈಲು ಸಂಚಾರ ರದ್ದುಗೊಳಿಸಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.