1,122 ಗಾಯಕರಿಂದ ವಚನ ಗಾಯನ

ಬೆಂಗಳೂರು: ರಂಗ ಸಂಸ್ಥಾನದ ವತಿಯಿಂದ 1,122 ಗಾಯಕರಿಂದ ‘ವಚನ ಗಾಯನ ವೈಭವ’ವನ್ನು ಫೆಬ್ರುವರಿ 7ರಂದು ಆಯೋಜಿಸಲಾಗಿದೆ.

ರವೀಂದ್ರ ಕಲಾಕ್ಷೇತ್ರದ ಆವರಣದಲ್ಲಿರುವ ಸಂಸ ಬಯಲು ರಂಗ ಮಂದಿರದಲ್ಲಿ ನಡೆಯುವ ‘ವಚನ ಗಾಯನ ವೈಭವ’ದಲ್ಲಿ ಹನ್ನೊಂದು ವಚನಗಳನ್ನು ಏಕಕಾಲದಲ್ಲಿ ಸಮೂಹ ಗಾಯನದ ಮೂಲಕ ಪ್ರಸ್ತುತಪಡಿಸಲಾಗುತ್ತದೆ ಎಂದು ರಂಗ ಸಂಸ್ಥಾನದ ಅಧ್ಯಕ್ಷ ಬಂಡ್ಲಹಳ್ಳಿ ವಿಜಯಕುಮಾರ ತಿಳಿಸಿದ್ದಾರೆ.

ವಚನಗಳಿಗೆ ಎಚ್‌.ಕೆ. ನಾರಾಯಣ, ವಿಜಯಕುಮಾರ, ವೆಂಕಟೇಶ್‌ ಅಲ್ಕೋಡ್‌ ಹಾತೂ ಅರ್ಚನಾ ಭೋಜ್‌ ಅವರು ರಾಗ ಸಂಯೋಜನೆ ಮಾಡಿದ್ದಾರೆ. ತರಳಬಾಳು ಶಾಖಾ ಮಠದ ಸಾಣೇಹಳ್ಳಿಯ ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿ ಸಾನಿಧ್ಯದಲ್ಲಿ ಕಾರ್ಯಕ್ರಮ ನಡೆಯಲಿದೆ ಎಂದು ಅವರು ಹೇಳಿದ್ದಾರೆ.