ಬಸವಕಲ್ಯಾಣ: ಅಗ್ನಿ ಆಕಸ್ಮಿಕ– ಅಪಾರ ಹಾನಿ

ಬಸವಕಲ್ಯಾಣ: ಈಶ್ವರ ನಗರದಲ್ಲಿನ ಐದು ಅಂಗಡಿಗಳಿಗೆ ಮಂಗಳವಾರ ರಾತ್ರಿ ಬೆಂಕಿ ಹೊತ್ತಿಕೊಂಡಿದ್ದರಿಂದ ಅಪಾರ ಪ್ರಮಾಣದ ಹಾನಿ ಸಂಭವಿಸಿದೆ.

ಆಕಸ್ಮಿಕವಾಗಿ ಬೆಂಕಿ ಹೊತ್ತಿಕೊಂಡಿದ್ದು ಖುರ್ಷಿದ್ ಮತ್ತು ರಶೀದ್ ಎನ್ನುವವರ ಕೃಷಿ ಪರಿಕರ ಮತ್ತು ಪೀಠೋಪಕರಣ ಅಂಗಡಿಗಳು ಭಸ್ಮವಾಗಿವೆ.

ನಗರದ ಅಗ್ನಿಶಾಮಕ ಠಾಣೆಯವರು ತಕ್ಷಣ ಸ್ಥಳಕ್ಕೆ ಧಾವಿಸಿ ಕ್ರಮ ತೆಗೆದುಕೊಂಡಿದ್ದಾರೆ. ಆದರೆ ಒಂದರಿಂದ ಇನ್ನೊಂದು ಅಂಗಡಿಗೆ ಬೆಂಕಿ ಹರಡುತ್ತಿದ್ದರಿಂದ ಹುಮನಾಬಾದ್‌ನಲ್ಲಿನ ಅಗ್ನಿಶಾಮಕ ಠಾಣೆಯವರನ್ನೂ ಕರೆಸಿ ಬೆಳಗಿನ ಜಾವದವರೆಗೂ ಬೆಂಕಿ ನಂದಿಸಲು ಪ್ರಯತ್ನಿಸಲಾಯಿತು.

ಪೊಲೀಸ್ ಠಾಣೆಯವರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಈ ಸಂಬಂಧ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.