ಖೇಡ್-ಸಂಗಮ: ಪಾದಯಾತ್ರೆಗೆ ಚಾಲನೆ

ಕಮಲನಗರ: ತಾಲ್ಲೂಕಿನ ಖೇಡ್-ಸಂಗಮ ಗ್ರಾಮದ ನೀಲಾಂಬಿಕಾ ಆಶ್ರಮದಲ್ಲಿ ಭಾಲ್ಕಿಯ ಗುರುಬಸವ ಪಟ್ಟದ್ದೇವರು ಅನುಭವ ಮಂಟಪ ಪಾದಯಾತ್ರೆಗೆ ಚಾಲನೆ ನೀಡಿದರು.

ಬಳಿಕ ಮಾತನಾಡಿದ ಅವರು,‘ಶರಣರು, ಸಂತರು ನಡೆದಾಡಿದ ಭೂಮಿ ಬಸವಕಲ್ಯಾಣಕ್ಕೆ ಪಾದಯಾತ್ರೆ ಮಾಡುತ್ತಿರುವುದು ಐತಿಹಾಸಿಕ’ ಎಂದು ಹೇಳಿದರು.

ಮಹಾದೇವಮ್ಮ ತಾಯಿ ಮಾತನಾಡಿ,‘ವಿಶ್ವಗುರು ಬಸವಣ್ಣ ನವರು, ಡಾ.ಚನ್ನಬಸವ ಪಟ್ಟದ್ದೇವರು ಮಹಿಳೆಯರಿಗೆ ಸಮಾನ ಅವಕಾಶ ಸಿಗಬೇಕು. ಮಹಿಳೆಯರು ವಚನಗಳನ್ನು ಪಠಣ ಮಾಡಬೇಕು ಎಂಬ ನಿಲುವನ್ನು ಹೊಂದಿದ್ದರು. ಸುಮಾರು 20 ಹಳ್ಳಿಯ ಭಕ್ತರು ಈ ಪಾದಯಾತ್ರೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ’ ಎಂದರು. ಓಂಪ್ರಕಾಶ ಅವರು ಅಧ್ಯಕ್ಷತೆ ವಹಿಸಿದ್ದರು. ಸಂಪೂರ್ಣಾ ನಿರೂಪಿಸಿದರು. ಹಲವರು ಭಾಗವಹಿಸಿದ್ದರು.