ಸಂತೇಮರಹಳ್ಳಿ: ಚಿನ್ನ–ನಗದು ದೋಚಿ ಪರಾರಿ

ಸಂತೇಮರಹಳ್ಳಿ: ಇಲ್ಲಿಗೆ ಸಮೀಪದ ಕಮರವಾಡಿ ಕಬಿನಿ ನಾಲೆಯ ಬಳಿ ಶುಕ್ರವಾರ ಮಧ್ಯಾಹ್ನ ಊಟ ಮಾಡುತ್ತಿದ್ದ ವ್ಯಕ್ತಿಗಳಿಬ್ಬರ ಮೇಲೆ ಹಲ್ಲೆ ನಡೆಸಿದ ಕಳ್ಳರಿಬ್ಬರು, ಚಿನ್ನ ಹಾಗೂ ಹಣ ದೋಚಿಕೊಂಡು ಪರಾರಿಯಾಗಿದ್ದಾರೆ.

ಕೊಳ್ಳೇಗಾಲ ತಾಲ್ಲೂಕಿನ ಮೋಳೆ ಗ್ರಾಮದ ಶಿವರಾಜು, ರಾಜು ಎಂಬುವವರು ಕಬಿನಿ ನಾಲೆ ಬಳಿ ಊಟ ಮಾಡಲು ಕುಳಿತ್ತಿದ್ದಾಗ, ಸ್ಕೂಟರ್‌ನಲ್ಲಿ ಬಂದ ಇಬ್ಬರು, ಇವರಿಬ್ಬರ ಮೇಲೂ ಹಲ್ಲೆ ನಡೆಸಿದ್ದಾರೆ.

ಹಲ್ಲೆ ಎಸಗಿದ ಬಳಿಕ ಇವರ ಬಳಿಯಿದ್ದ ₹ 22 ಸಾವಿರ ನಗದು, 12 ಗ್ರಾಂ ಚಿನ್ನದ ಚೈನ್ ಹಾಗೂ ಬೆಳ್ಳಿಯ ಬ್ರಾಸ್‍ಲೈಟ್ ಕಿತ್ತುಕೊಂಡು ಸ್ಥಳದಿಂದ ಪರಾರಿಯಾಗಿದ್ದಾರೆ ಎಂದು ಸಂತೇಮರಹಳ್ಳಿ ಪೊಲೀಸರು ತಿಳಿಸಿದ್ದಾರೆ.