ಜಿಲ್ಲೆಯಲ್ಲಿ ಮಿಂಚು ಸಹಿತ ಗಾಳಿ ಮಳೆ

ಚಾಮರಾಜನಗರ: ನಗರ ಸೇರಿದಂತೆ ಜಿಲ್ಲೆಯ ವಿವಿಧ ಕಡೆಗಳಲ್ಲಿ ಭಾನುವಾರ ರಾತ್ರಿ ಮಿಂಚು ಗಾಳಿ ಸಹಿತ ‌ಬಿರುಸಿನ ಮಳೆಯಾಗಿದೆ.

ರಾತ್ರಿ ಎಂಟು ಗಂಟೆಗೆ ಮಿಂಚು, ಗಾಳಿ ಆರಂಭವಾಯಿತು. 8.30ರ ಸುಮಾರಿಗೆ ಗಾಳಿ ಸಹಿತ ಧಾರಾಕಾರ ಮಳೆ ಆರಂಭವಾಯಿತು. ಯಳಂದೂರು, ಕೊಳ್ಳೇಗಾಲ, ಹನೂರು ಭಾಗಗಳಲ್ಲೂ ಮಳೆ ಸುರಿದಿದೆ.

ರಸ್ತೆಗಳಲ್ಲಿ ಭಾರಿ ಪ್ರಮಾಣದಲ್ಲಿ ನೀರು ಹರಿಯಿತು. ಚರಂಡಿಗಳು ತುಂಬಿ ರಸ್ತೆಯಲ್ಲೇ ನೀರು ಹರಿಯಿತು. ತಗ್ಗುಪ್ರದೇಶಗಳಿಗೂ ನೀರು ನುಗ್ಗಿದೆ.ತಡರಾತ್ರಿ ವರೆಗೂ ಮಳೆ ಮುಂದುವರಿಯಿತು.