ಸಂತೇಮರಹಳ್ಳಿ | ಅಕ್ರಮವಾಗಿ ಮಣ್ಣು ಸಾಗಣೆ: ಟ್ರಾಕ್ಟರ್ ವಶ

ಸಂತೇಮರಹಳ್ಳಿ: ಸಮೀಪದ ಕೆ.ಬಸವನಪುರ ಗ್ರಾಮದ ಬಳಿ ಅಕ್ರಮವಾಗಿ ಮಣ್ಣು ಸಾಗಾಣೆ ಮಾಡುತ್ತಿದ್ದ ವಾಹನಗಳನ್ನು ಕುದೇರು ಪೊಲೀಸರು ಶುಕ್ರವಾರ ವಶಪಡಿಸಿಕೊಂಡಿದ್ದಾರೆ.

ಕೆ.ಬಸವನಪುರ ಗ್ರಾಮದ ಬಳಿ ಇರುವ ಸರ್ಕಾರಿ ಜಮೀನೊಂದರಲ್ಲಿ ಅಕ್ರಮವಾಗಿ ಜೆಸಿಬಿ ಯಂತ್ರದ ಮೂಲಕ ಇಟ್ಟಿಗೆ ತಯಾರು ಮಾಡಲು ಕೆಂಪು ಮಣ್ಣನ್ನು 3 ಟ್ರಾಕ್ಟರ್ ಮೂಲಕ ಸಾಗಣೆ ಮಾಡುತ್ತಿದ್ದರು.

ಖಚಿತ ಮಾಹಿತಿ ಆಧಾರ ಮೇರೆಗೆ ಕುದೇರು ಪೊಲೀಸ್ ಠಾಣೆ ಪಿಎಸ್‌ಐ ಕುಮುದಾ, ಸಿಬ್ಬಂದಿ ಚಾಮರಾಜು, ಪ್ರದೀಶ್ ದಾಳಿ ನಡೆಸಿ ಜೆಸಿಪಿ ಹಾಗೂ 3 ಟ್ರಾಕ್ಟರ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ. 

ಈ ಸಂಬಂಧ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಗೆ ವರದಿ ನೀಡಲಾಗಿದೆ ಎಂದು ಪಿಎಸ್‌ಐ ಕುಮುದಾ ಮಾಹಿತಿ ನೀಡಿದ್ದಾರೆ.