ಪೊನ್ನಾಚ್ಚಿಯಲ್ಲಿ ಚಿರತೆ ದಾಳಿ; ಹಸುವಿಗೆ ಗಾಯ

ಹನೂರು: ತಾಲ್ಲೂಕಿನ ಮಲೆ ಮಹದೇಶ್ವರ ಬೆಟ್ಟದ ಕಾಡಂಚಿನ ಗ್ರಾಮವಾದ ಪೊನ್ನಾಚ್ಚಿಯಲ್ಲಿ ಚಿರತೆ ದಾಳಿಯಿಂದ ಹಸುವಿಗೆ ತೀವ್ರ ಗಾಯವಾಗಿದೆ.

ಗ್ರಾಮದ ರೈತ ಮಹದೇವಸ್ವಾಮಿ ಜಮೀನಿನಲ್ಲಿರುವ ಕೊಟ್ಟಿಗೆಯಲ್ಲಿ ಕಟ್ಟಿ ಹಾಕಿದ್ದ ಹಸುವಿನ ಮೇಲೆ ಚಿರತೆ ದಾಳಿ ಮಾಡಿದೆ. ಈಚೆಗೆ ತಾಳುಬೆಟ್ಟದಿಂದ ಪಾದಯಾತ್ರೆ ಹೋಗುತ್ತಿದ್ದ ಭಕ್ತನೊಬ್ಬ ಚಿರತೆಯ ದಾಳಿಯಿಂದ ಮೃತರಾಗಿದ್ದು, ಭೀತಿಯಲ್ಲಿದ್ದ ಸ್ಥಳೀಯರನ್ನು ಈ ಘಟನೆ ಇನ್ನೂ ಕಂಗೆಡಿಸಿದೆ.

ಹಸುವಿನ ಮೇಲೆ ದಾಳಿ ಮಾಡಿದ ಚಿರತೆಯನ್ನು ಸೆರೆಹಿಡಿಯುವಂತೆ ಅಧಿಕಾರಿಗಳನ್ನು ಒತ್ತಾಯಿಸಿದ್ದಾರೆ..