ಹೈಮಾಸ್ಟ್‌ ದುರಸ್ತಿಗೆ ಕ್ರಮ

ಚಾಮರಾಜನಗರ: ನಗರದ ಬಿ.ರಾಚಯ್ಯ ಜೋಡಿರಸ್ತೆಯ ಡಿವೈಎಸ್‌ಪಿ ಕಚೇರಿ ಬಳಿಯಲ್ಲಿ 20 ದಿನಗಳಿಂದ ಹಾಳಾಗಿದ್ದ ಹೈಮಾಸ್ಟ್‌ಗಳನ್ನು ದುರಸ್ತಿ ಮಾಡಲು ನಗರಸಭೆ ಕ್ರಮ ಕೈಗೊಂಡಿದೆ.

ಹೈಮಾಸ್ಟ್‌ ದೀಪ ಉರಿಯದೆ ಇರುವುದರಿಂದ ಆಗುತ್ತಿರುವ ಸಮಸ್ಯೆಗಳ ಬಗ್ಗೆ ‘ಪ್ರಜಾವಾಣಿ’ಯ ಮೇ 7ರ ಸಂಚಿಕೆಯ ‘ಕುಂದುಕೊರತೆ’ ಅಂಕಣದಲ್ಲಿ ಓದುಗರೊಬ್ಬರು ಬೆಳಕು ಚೆಲ್ಲಿದ್ದರು.

20 ದಿನಗಳ ಹಿಂದೆ ದೀಪಗಳನ್ನು ಇಳಿಬಿಡಲಾಗಿತ್ತು. ಆದರೆ, ದುರಸ್ತಿ ಮಾಡಿರಲಿಲ್ಲ. ಪತ್ರಿಕೆಯಲ್ಲಿ ಪ್ರಕಟವಾದ ನಂತರ ಎಚ್ಚೆತ್ತುಕೊಂಡಿರುವ ಸ್ಥಳೀಯ ಆಡಳಿತ, ಬುಧವಾರ ದೀಪಗಳ ದುರಸ್ತಿಗೆ ಕ್ರಮ ಕೈಗೊಂಡಿದೆ. ಕೆಟ್ಟು ಹೋದ ದೀಪಗಳನ್ನು ಸಿಬ್ಬಂದಿ ಬದಲಿಸುತ್ತಿದ್ದುದು ಕಂಡು ಬಂತು.