ಗೌರಿಬಿದನೂರು ಸುತ್ತಮುತ್ತ ಉತ್ತಮ ಮಳೆ

ಗೌರಿಬಿದನೂರು: ತಾಲ್ಲೂಕಿನಲ್ಲಿ ಕಳೆದ ಎರಡು ದಿನಗಳಿಂದ ಉತ್ತಮ ಮಳೆ ಸುರಿದಿದೆ. ಭಾನುವಾರ ರಾತ್ರಿಯಿಡೀ ಗುಡುಗು ಮಿಂಚು ಸಮೇತ ಮಳೆ ಆಗಿದೆ. ರಸ್ತೆ, ಚರಂಡಿ, ಮೈದಾನ ಮತ್ತು ಜಮೀನುಗಳಲ್ಲಿ ನೀರು ತುಂಬಿದೆ. ಶನಿವಾರ ರಾತ್ರಿ ಡಿ.ಪಾಳ್ಯ ಹೋಬಳಿ ಲಕ್ಕಸಂದ್ರದಲ್ಲಿ ಸಿಡಿಲು ಬಡಿದು ಎಮ್ಮೆಯೊಂದು ಸಾವನ್ನಪ್ಪಿದೆ. ಪಶು ವೈದ್ಯಾಧಿಕಾರಿ ಡಾ.ಮಾರುತಿ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ತಾಲ್ಲೂಕಿನ ಕಸಬಾ ಹೋಬಳಿಯಲ್ಲಿ ಭಾನುವಾರ ರಾತ್ರಿ 26.8 ಮಿ.ಮಿ, ಡಿ.ಪಾಳ್ಯದಲ್ಲಿ 18.2 ಮಿ.ಮೀ, ಹೊಸೂರು 30.5ಮಿ.ಮೀ, ಮಂಚೇನಹಳ್ಳಿ 13.4 ಮಿ.ಮೀ, ನಗರಗೆರೆ 26.6 ಮಿ.ಮೀ, ತೊಂಡೇಬಾವಿಯಲ್ಲಿ 23.9 ಮಿ.ಮೀ ಮಳೆ ಆಗಿದೆ.