ಚಿಕ್ಕಬಳ್ಳಾಪುರ: ಸಾಮೂಹಿಕ ಪ್ರಾರ್ಥನೆ; ಮಾತಿನ ಚಕಮಕಿ

ಚಿಕ್ಕಬಳ್ಳಾಪುರ: ನಗರದ ಕಂದವಾರದಲ್ಲಿ ಭಾನುವಾರ ಕ್ರೈಸ್ತ ಪಾದ್ರಿಗಳು ಮನೆಯೊಂದರಲ್ಲಿ ಸಾಮೂಹಿಕ ಪ್ರಾರ್ಥನೆ ನಡೆಸುತ್ತಿದ್ದಕ್ಕೆ ಹಿಂದೂ ಸಂಘಟನೆಗಳ ಕಾರ್ಯಕರ್ತರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಇದು ಮಾತಿನ ಚಕಮಕಿಗೆ ಕಾರಣವಾಗಿದೆ.

ಕಂದವಾರದಲ್ಲಿ ಭಾರತಿ ಎಂಬುವರ ಮನೆಯಲ್ಲಿ ಬೆಂಗಳೂರಿನ ಪಾದ್ರಿ ಧ್ಯಾನ್ ಮತ್ತು ಮೇಲುಕೋಟೆಯ ಪ್ರದೀಪ್ ಪ್ರಾರ್ಥನೆ ನಡೆಸುತ್ತಿದ್ದರು. ಅಲ್ಲಿಗೆ ಬಂದ ಹಿಂದೂ ಸಂಘಟನೆಗಳ ಕಾರ್ಯಕರ್ತರು, ‘ಇಲ್ಲಿ ಏಕೆ ಪ್ರಾರ್ಥನೆ ನಡೆಸುತ್ತಿದ್ದೀರಿ. ಚರ್ಚ್‌ನಲ್ಲಿ ಪ್ರಾರ್ಥನೆ ನಡೆಬೇಕಿತ್ತು. ಮಕ್ಕಳನ್ನೂ ಕೂರಿಸಿಕೊಂಡಿದ್ದಿರಿ. ಇದು ಮತಾಂತರಕ್ಕೆ ಪ್ರಯತ್ನಿಸುತ್ತಿದ್ದೀರಿ’ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಸ್ಥಳಕ್ಕೆ ನಗರ ಠಾಣೆ ಇನ್‌ಸ್ಪೆಕ್ಟರ್ ಹೊನ್ನೇಗೌಡ ಭೇಟಿ ನೀಡಿದರು. ರಾಘವೇಂದ್ರ, ರವಿ, ಮಂಜುನಾಥ್, ಹರೀಶ್, ಸುಧಾಕರ್, ತಿಲಕ್, ಬಾನು, ಮುರುಳಿ ಇದ್ದರು.