ಏಪ್ರಿಲ್ 1 ರಿಂದ ಅಬಾಕಸ್ ತರಗತಿ ಆರಂಭ

ನರಸಿಂಹರಾಜಪುರ: ಪಟ್ಟಣದ ಪತ್ರಿಕಾ ಭವನದಲ್ಲಿ ಒಂದು ವರ್ಷದ ಹಿಂದೆ ಪ್ರಾರಂಭವಾದ ಬ್ರೈನೋಟ್ರಿಕ್ಸ್ ಅಬಾಕಸ್ ನ ನೂತನ ಬ್ಯಾಚ್ ಏಪ್ರಿಲ್ 1ರಿಂದ ಆರಂಭಿಸಲಾಗುತ್ತದೆ ಎಂದು ಬ್ರೈನೋಟ್ರಿಕ್ಸ್ ನ ನಿರ್ದೇಶಕಿ ಎನ್.ಮಮತಾ ತಿಳಿಸಿದ್ದಾರೆ.

ಈ ಕುರಿತು ಸೋಮವಾರ ಪತ್ರಿಕಾ ಹೇಳಿಕೆ ನೀಡಿರುವ ಅವರು 'ಅಬಾಕಸ್ ತರಗತಿಯಲ್ಲಿಮಕ್ಕಳು ಸೇರ್ಪಡೆಗೊಂಡರೆ ತರಬೇತಿ ಪೂರ್ಣಗೊಳಿಸಿದಾಗ ಗಣಿತದ ವಿಷಯದಲ್ಲಿ ಕೂಡುವ, ಕಳೆಯುವ, ಭಾಗಿಸುವ, ಗುಣಿಸುವ ಲೆಕ್ಕಗಳನ್ನು ಕ್ಯಾಲುಕಲೇಟರ್ ಅಥವಾ ಕಂಪ್ಯೂಟರ್‌ಗಿಂತ ವೇಗವಾಗಿ ಮಾಡಲು ಸಾಧ್ಯವಾಗುತ್ತದೆ’ ಎಂದು ತಿಳಿಸಿದ್ದಾರೆ.

ಅಬಾಕಸ್ ತರಬೇತಿ ಪಡೆಯುವುದರಿಂದ ಮಕ್ಕಳಲ್ಲಿ ಸೃಜನ ಶೀಲತೆ, ಊಹಾತ್ಮ ಕೌಶಲ, ಮನಸ್ಸು ಕೇಂದ್ರೀಕರಣ, ಸ್ಫುಟವಾದ ಜ್ಞಾಪಕ ಶಕ್ತಿ ಅಭಿವೃದ್ಧಿ ಸೇರಿ ಸರ್ವತೋಮುಖ ಜ್ಞಾನಾಭಿವೃದ್ಧಿಯಾಗಲಿದೆ. 6ವರ್ಷಕ್ಕಿಂತ ಮೇಲ್ಪಟ್ಟ ಮಕ್ಕಳು ಶಾಲೆಗೆ ಅರ್ಹರಾಗಿರುತ್ತಾರೆ. ಪ್ರತಿ ಭಾನುವಾರ ತರಗತಿಗಳು ನಡೆಸಲಾಗುತ್ತದೆ. ಹೆಚ್ಚಿನ ಮಾಹಿತಿಗೆ ಮೊಬೈಲ್ ಸಂಖ್ಯೆ 9148950131, 9448314131ಗೆ ಸಂಪರ್ಕಿಸಬಹುದು.