ಚಿಕ್ಕಮಗಳೂರು: ಡಿಎಚ್‌ಒ ಪ್ರಭು ಅಮಾನತು

ಚಿಕ್ಕಮಗಳೂರು: ಮಿಡ್ಲ್‌ ಲೆವಲ್‌ ಹೆಲ್ತ್‌ ಪ್ರವೈಡರ್ಸ್‌ ನೇಮಕಾತಿ ಕೌನ್ಸೆಲಿಂಗ್‌ ಲೋಪ ಪ್ರಕರಣದಲ್ಲಿ ಜಿಲ್ಲಾ ಆರೋಗ್ಯಾಧಿಕಾರಿ ಪ್ರಭು ಅವರನ್ನು ಅಮಾನತು ಮಾಡಲಾಗಿದೆ.

ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಆಯುಕ್ತರು ಈ ಅಮಾನತು ಮಾಡಿ ಆದೇಶ ಹೊರಡಿಸಿದ್ದಾರೆ.

ನಾಲ್ಕು ತಿಂಗಳ ಹಿಂದೆ ನೇಮಕಾತಿ ಕೌನ್ಸೆಲಿಂಗ್‌ ನಡೆದಿತ್ತು. ಕೌನ್ಸೆಲಿಂಗ್‌ನಲ್ಲಿ ಲೋಪವಾಗಿರುವುದು ಮೇಲ್ನೋಟಕ್ಕೆ ಕಂಡು ಬಂದಿರುವುದರಿಂದ ಈ ಕ್ರಮ ಕೈಗೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಆರ್‌ಸಿಎಚ್‌ ಅಧಿಕಾರಿ ಡಾ.ಭರತ್‌ ಅವರಿಗೆ ಪ್ರಭಾರ ಡಿಎಚ್‌ಒ ಹೊಣೆ ವಹಿಸಲಾಗಿದೆ.