ಕೊಪ್ಪ | ಚಿನ್ನಾಭರಣ, ನಗದು ಕಳವು

ಕೊಪ್ಪ: ತಾಲ್ಲೂಕಿನ ಕೆಸುವೆ ಗ್ರಾಮ ಪಂಚಾಯಿತಿ ವ್ಯಾಪ್ತಿ ಕೆಲಕುಳಿ ಗ್ರಾಮದ ನಿವಾಸಿ, ಮೆಸ್ಕಾಂ ಲೈನ್ ಮ್ಯಾನ್ ಆದರ್ಶ ಅವರ ಮನೆಯಲ್ಲಿ ಬುಧವಾರ ನಗದು ಚಿನ್ನಾಭರಣ ಕಳವು ನಡೆದಿರುವ ಬಗ್ಗೆ ಕೊಪ್ಪ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಹಗಲು ಹೊತ್ತಿನಲ್ಲಿ ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ ಬಾಗಿಲ ಬೀಗ ಮುರಿದ ಕಳ್ಳರು ಒಟ್ಟು 65 ಗ್ರಾಂ. ಚಿನ್ನ, ರೂ.55 ಸಾವಿರ ನಗದು ಕಳವು ಮಾಡಿದ್ದಾರೆ ಎಂದು ಆದರ್ಶ ಅವರು ದೂರಿನಲ್ಲಿ ತಿಳಿಸಿದ್ದಾರೆ.