ಚಿಕ್ಕಾನವಂಗಲ ಗ್ರಾ.ಪಂ: ಬಸಮ್ಮ ಸುಧಾಕರ್ ಅಧ್ಯಕ್ಷೆ

ಅಜ್ಜಂಪುರ: ತಾಲ್ಲೂಕಿನ ಚಿಕ್ಕಾನವಂಗಲ ಗ್ರಾಮ ಪಂಚಾಯಿತಿ ಅಧ್ಯಕ್ಷೆಯಾಗಿ ಬಸಮ್ಮ ಸುಧಾಕರ್ ಬುಧವಾರ ಅವಿರೋಧವಾಗಿ ಆಯ್ಕೆಯಾದರು.

ತಿಪ್ಪಮ್ಮ ಯೋಗೇಶ್ ರಾಜೀನಾಮೆಯಿಂದ ತೆರವಾಗಿದ್ದ ಅಧ್ಯಕ್ಷ ಸ್ಥಾನಕ್ಕೆ ಬಸಮ್ಮ ಸುಧಾಕರ್ ಮಾತ್ರ ನಾಮಪತ್ರ ಸಲ್ಲಿಸಿದರು. ಸಹಾಯಕ ತೋಟಗಾರಿಕೆ ಅಧಿಕಾರಿ ಶಶಿಧರ್ ಒಡೆಯರ್ ಚುನಾವಣಾ ಅಧಿಕಾರಿಯಾಗಿ ಕಾರ್ಯ ನಿರ್ವಹಿಸಿದರು.

ಅಧ್ಯಕ್ಷೆ ಬಸಮ್ಮ ಸುಧಾಕರ್ ಮಾತನಾಡಿ, ‘ಸರ್ವ ಸದಸ್ಯರ ಸಹಕಾರ ಪಡೆದು ಉತ್ತಮ ಆಡಳಿತ ನೀಡಲಾಗುವುದು. ಪಂಚಾಯಿತಿ ವ್ಯಾಪ್ತಿಯ ಗ್ರಾಮಗಳಲ್ಲಿ ಮೂಲ ಸೌಕರ್ಯ ಕಲ್ಪಿಸಲಾಗುವುದು’ ಎಂದು ಭರವಸೆ ನೀಡಿದರು.

ಪಂಚಾಯಿತಿ ಸದಸ್ಯ ಮಂಜಪ್ಪ, ಕುಮಾರಪ್ಪ, ಶಿವಮ್ಮ, ಪಿಡಿಒ ಹರ್ಷ, ಮುಖಂಡ ಮಧು, ಲಿಂಗಮೂರ್ತಿ, ಶಿವಮೂರ್ತಿ, ವಿಶ್ವನಾಥ್, ಪುಟ್ಟಪ್ಪ, ಶಿರಗಲೀಪುರ ಚಂದ್ರಪ್ಪ, ಅತ್ತಿಗಟ್ಟೆ ಮಂಜಪ್ಪ, ಶಾಂತಪ್ಪ ಇದ್ದರು.