ಮಳೆ ಅವಾಂತರ: 25ಕ್ಕೂ ಹೆಚ್ಚು ಮನೆ ಹಾನಿ

ಚಿಕ್ಕಮಗಳೂರು: ಜಿಲ್ಲೆಯ ವಿವಿಧೆಡೆ ಮಂಗಳವಾರ ರಾತ್ರಿ ಬಿರುಸಾಗಿ ಮಳೆ ಸುರಿದಿದೆ. ಅಜ್ಜಂಪುರ ತಾಲ್ಲೂಕಿನ ಅರಬಲದಲ್ಲಿ 13, ತಿಮ್ಮಾಪುರದಲ್ಲಿ ಒಂಬತ್ತು ಹಾಗೂ ಜಾವೂರು ಹೊಸಹಳ್ಳಿಯಲ್ಲಿ ಮೂರು ಮನೆಗಳು ಹಾನಿಯಾಗಿವೆ. ಅತ್ತಿಮೊಗ್ಗೆ ಭಾಗದಲ್ಲಿ ತೋಟ, ಹೊಲಗಳಿಗೆ ನೀರು ನುಗ್ಗಿದೆ.

ಅಜ್ಜಂಪುರ ಪಟ್ಟಣದ ಶಿವಾಜಿ ರಸ್ತೆ, ಬನಶಂಕರಿ ರಸ್ತೆ, ಶ್ರೀರಾಮ ರಸ್ತೆಯಲ್ಲಿ ಮನೆಗಳಿಗೆ ನೀರು ನುಗ್ಗಿದೆ. ಪಟ್ಟಣದ ಸಮೀಪದ ಗೌರಪುರದಲ್ಲಿ ಮನೆಗಳಿಗೆ ನೀರು ನುಗ್ಗಿದೆ.

ಅಜ್ಜಂಪುರ, ನಾರಣಾಪುರ, ಶಿವನಿ, ಅನುವನಹಳ್ಳಿ ಭಾಗದಲ್ಲಿ ಹೊಲಗಳಿಗೆ ನೀರು ನುಗ್ಗಿದೆ. ಈರುಳ್ಳಿ, ಶೇಂಗಾ ಮೊದಲಾದ ಬೆಳೆಗಳು ಕೊಚ್ಚಿ ಹೋಗಿವೆ.
ಚಿಕ್ಕಮಗಳೂರು ತಾಲ್ಲೂಕಿನ ಆಲ್ದೂರು ಬಳಿ ಹವ್ವಳ್ಳಿ– ಹುಲಿಹಳ್ಳ ಸಂಪರ್ಕ ರಸ್ತೆ ಕುಸಿದಿದೆ. ಆಲ್ದೂರು– ಬಾಳೆಹೊನ್ನೂರು ಹೆದ್ದಾರಿ ಬದಿಯ ಮರವೊಂದು ನೆಲಕ್ಕುರುಳಿದೆ.

ಅಜ್ಜಂಪುರ– 11.6,ಹೊಸಕೆರೆ– 8.4, ಮೇಗರಮಕ್ಕಿ– 7.8, ಎನ್‌.ಆರ್‌.ಪುರ– 7.3,
ಬುಕ್ಕಾಂಬುಧಿ– 6.7, ಕೊಟ್ಟಿಗೆಹಾರ– 6.4 ಸೆಂ.ಮೀ ಮಳೆಯಾಗಿದೆ