ನರಸಿಂಹರಾಜಪುರ | ಬಸ್ ನಿಲ್ದಾಣಕ್ಕೆ ಡಿಕ್ಕಿ ಹೊಡೆದ ಲಾರಿ

ನರಸಿಂಹರಾಜಪುರ: ಪಟ್ಟಣದ ಮಿನಿವಿಧಾನ ಸೌಧ ವೃತ್ತದ ಬಳಿ ಭಾನುವಾರ ಸಂಜೆ ಲಾರಿಯೊಂದು ಡಿವೈಡರ್‌ನ್ನು ದಾಟಿ ಬಸ್ ನಿಲ್ದಾಣಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಬಸ್ ನಿಲ್ದಾಣ ಬಹುತೇಕ ಜಖಂ ಆಗಿದೆ.

ಬಿ.ಎಚ್.ಕೈಮರದ ಕಡೆಯಿಂದ ಬಂದ ಆಲ್ದೂರು ಮೂಲದ ಲಾರಿ ಡಿವೈಡರ್ ದಾಟಿ, ಬಸ್ ನಿಲ್ದಾಣಕ್ಕೆ ಡಿಕ್ಕಿ ಹೊಡೆದಿದೆ. ಲಾರಿ ಚಾಲಕ ಕೊಪ್ಪದ ರಮೇಶ್ ಎಂಬುವರು ಪಾನಮತ್ತನಾಗಿ ವಾಹನ ಚಾಲನೆ ಮಾಡಿದ್ದರಿಂದ ಅವಘಡ ಸಂಭವಿಸಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.