ರಂಭಾಪುರಿ ಶ್ರೀ ಜನ್ಮ ದಿನೋತ್ಸವ ನಾಳೆ

ಬಾಳೆಹೊನ್ನೂರು: ರಂಭಾಪುರಿ ಪೀಠದ ವೀರಸೋಮೇಶ್ವರ ಸ್ವಾಮೀಜಿ ಅವರ 67ನೇ ಜನ್ಮ ದಿನೋತ್ಸವವನ್ನು ತೆಲಂಗಾಣ ರಾಜ್ಯದ ಕೊಲನಪಾಕ ಸ್ವಯಂಭು ಸೋಮೇಶ್ವರ ಕ್ಷೇತ್ರದಲ್ಲಿ ಜ.7ರಂದು ಆಚರಿಸಲಾಗುವುದು’ ಎಂದು ಪೀಠದ ವಾರ್ತಾಧಿಕಾರಿ ಸಿ.ಎಚ್.ಬಾಳನಗೌಡ್ರು ಹೇಳಿದರು.

‘ಜ,5ರಿಂದ 7ರವರೆಗೆ ರಂಭಾಪುರಿ ಸ್ವಾಮೀಜಿ ಇಷ್ಟಲಿಂಗ ಪೂಜೆ ನೆರವೇರಿಸುವರು. ಪ್ರತಿದಿನ ಪ್ರಾತ:ಕಾಲದಲ್ಲಿ ಸೋಮೇಶ್ವರ ಮಹಾಲಿಂಗ ಮತ್ತು ವೀರಭದ್ರಸ್ವಾಮಿಗೆ ರುದ್ರಾಭಿಷೇಕ, ಮಹಾಪೂಜೆ ಹಾಗೂ ಶಕ್ತಿಮಾತೆ ಚಂಡಿಕಾಂಬಾ ದೇವಿಗೆ ಕುಂಕುಮಾರ್ಚನೆ ನಡೆಯಲಿದೆ ಎಂದು ಕೊಲನುಪಾಕ ಸೋಮೇಶ್ವರ ಜಗದ್ಗುರು ರೇಣುಕಾಚಾರ್ಯ ಡೆವೆಲಪ್‌ಮೆಂಟ್ ಮತ್ತು ಚಾರಿಟಬಲ್ ಟ್ರಸ್ಟ್‌ನವರು ತಿಳಿಸಿರುವುದಾಗಿ ಅವರು
ತಿಳಿಸಿದ್ದಾರೆ.