ಮೊಳಕಾಲ್ಮುರು: ಕೆಲವೆಡೆ ಆಲಿಕಲ್ಲು ಮಳೆ

ಮೊಳಕಾಲ್ಮುರು: ತಾಲ್ಲೂಕಿನ ವಿವಿಧ ಕಡೆ ಶನಿವಾರ ಸಂಜೆ ಆಲಿಕಲ್ಲು ಮಳೆಯಾಗಿದೆ.

ಸಂಜೆ 4 ಗಂಟೆ ವೇಳೆಗೆ ಗುಡುಗು, ಸಿಡಿಲು ಸಹಿತ ಆರಂಭವಾದ ಮಳೆ ಅರ್ಧ ಗಂಟೆಗೂ ಹೆಚ್ಚು ಕಾಲ ಬಂದಿತು. ಇದು ಈ ವರ್ಷದ 3ನೇ ಮಳೆಯಾಗಿದೆ. ಬಿಸಿಲಿನ ಝಳಕ್ಕೆ ತತ್ತರಿಸಿದ್ದ ಜನರಿಗೆ ತಂಪಿನ ಅನುಭವ ನೀಡಿತು.

ಮೊಳಕಾಲ್ಮುರು, ರಾಯಾಪುರ, ಸೂಲೇನಹಳ್ಳಿ ಸುತ್ತಮುತ್ತ ಕೆಲ ನಿಮಿಷ ಆಲಿಕಲ್ಲು ಬಿದ್ದಿವೆ. ಕೈಯಲ್ಲಿ ಆಲಿಕಲ್ಲು ಹಿಡಿದು ಮಕ್ಕಳು ಸಂಭ್ರಮಿಸಿದರು. ಹಲವರು ವಿಡಿಯೊ ಮಾಡಿ ಸಾಮಾಜಿಕ ತಾಲಜಾಣಗಳಲ್ಲಿ ಹರಿಬಿಟ್ಟರು.

ಕೊಂಡ್ಲಹಳ್ಳಿ, ಮೊಗಲಹಳ್ಳಿ, ಬಿ.ಜಿ.ಕೆರೆ, ಕೋನಸಾಗರ, ಯರ್ಜೇನಹಳ್ಳಿ, ನೇರ್ಲಹಳ್ಳಿ ಸುತ್ತಮುತ್ತ ಮಳೆಯಾಗಿದೆ ಎಂದು ವರದಿಯಾಗಿದೆ.