ಚಳ್ಳಕೆರೆ | ಟಾಟಾ ಏಸ್ ಬೈಕ್ ಮುಖಾಮುಖಿ: ಸ್ಥಳದಲ್ಲೇ ಮೂವರ ಸಾವು

ಚಳ್ಳಕೆರೆ: ತಾಲ್ಲೂಕಿನ ಸಿದ್ದಾಪುರದ ಗೇಟ್ ಬಳಿ ಸೋಮವಾರ ರಾತ್ರಿ ಟಾಟಾ ಏಸ್‌ ಮತ್ತು ಬೈಕ್‌ಗಳ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿ ಮೂವರು ಕೂಲಿ ಕಾರ್ಮಿಕರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ತಾಲ್ಲೂಕಿನ ಹೊಟ್ಟೆಪ್ಪನಹಳ್ಳಿ ಗ್ರಾಮದ ಸಿದ್ದಪ್ಪ (35), ದುರ್ಗವರದ ನೀಲಪ್ಪ (36) ಮತ್ತು ಬೊಮ್ಮಸಮುದ್ರ ಗ್ರಾಮದ ಕರಿಯಣ್ಣ(30) ಮೃತಪಟ್ಟವರು.ತೀವ್ರವಾಗಿ ಗಾಯಗೊಂಡ ಅಜಯ್‍ಕುಮಾರ್ ಅವರನ್ನು ಚಿತ್ರದುರ್ಗದ ಆಸ್ಪತ್ರೆಗೆ ದಾಖಲಿಸಲಾಗಿದೆ.

‘ನಗರದಲ್ಲಿ ಕೂಲಿ ಕೆಲಸ ಮುಗಿಸಿಕೊಂಡು ಮನೆಗೆ ತೆರಳುವಾಗ ಈ ಅಪಘಾತವಾಗಿದ್ದು, ಎದುರಿಗೆ ಬಂದ ಬೈಕ್ ಅನ್ನು ತಪ್ಪಿಸಲು ಹೋಗಿ ಟಾಟಾ ಏಸ್ ಪಲ್ಟಿಯಾಗಿದೆ. ಬೈಕ್ ಸವಾರರು ಪರಾರಿಯಾಗಿದ್ದಾರೆ’ ಎಂದು ಪ್ರಕರಣ ದಾಖಲಿಸಿಕೊಂಡಿರುವ ಚಳ್ಳಕೆರೆ ಠಾಣೆಯಪಿಎಸ್‍ಐ ಮಂಜುನಾಥ್ ತಿಳಿಸಿದ್ದಾರೆ.