ನರಸಿಂಹರಾಜಪುರ | ಹಂಪ್‌ಗೆ ಬಣ್ಣ ಬಳಿದ ಪಿಡಬ್ಲ್ಯುಡಿ

ನರಸಿಂಹರಾಜಪುರ: ತಾಲ್ಲೂಕಿನ ಮೆಣಸೂರು ಗ್ರಾಮದ ವ್ಯಾಪ್ತಿಯಲ್ಲಿ ಶಿವಮೊಗ್ಗಕ್ಕೆ ಹೋಗುವ ಮುಖ್ಯ ರಸ್ತೆಯಲ್ಲಿ ಅಳವಡಿಸಿದ್ದ ಹಂಪ್‌ಗೆ ಬಣ್ಣ ಬಳಿಯಲಾಗಿದೆ.

ಮೂರು ಕಡೆ ಹಂಪ್ ಅನ್ನು ಅಳವಡಿಸಲಾಗಿದ್ದು, ಹಂಪ್‌ಗೆ ಬಳಿದಿದ್ದ ಬಣ್ಣ ಮಾಸಿತ್ತು. ಇದರಿಂದ ವೇಗವಾಗಿ ಬರುವ ವಾಹನಗಳಿಗೆ ಹಂಪ್ ಇರುವುದು ತಕ್ಷಣಕ್ಕೆ ಗೊತ್ತಾಗುತ್ತಿರಲಿಲ್ಲ. ಇದರಿಂದ ಅಪಘಾತವಾಗುವ ಸಂಭವವಿತ್ತು. ಈ ಬಗ್ಗೆ ‘ಪ್ರಜಾವಾಣಿ’ಯ ಮೇ 1ರ ಸಂಚಿಕೆಯ ಕುಂದು ಕೊರತೆ ವಿಭಾಗದಲ್ಲಿ ವರದಿ ಪ್ರಕಟವಾಗಿತ್ತು. ಗುರುವಾರವೇ ರಸ್ತೆಯ ಹಂಪ್‌ಗೆ ಸಂಬಂಧಪಟ್ಟ ಇಲಾಖೆ ಬಣ್ಣ ಬಳಿದಿದೆ.