ಮಂಗಳೂರು: ಎನ್‌ಐಟಿಕೆಯಲ್ಲಿ ಯೋಗ ಮುದ್ರಾ ತರಬೇತಿ

ಮಂಗಳೂರು: ಸುರತ್ಕಲ್‌ನ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎನ್‌ಐಟಿಕೆ) ಸೇವಾದಳವು ಶುಕ್ರವಾರದಿಂದ ಜುಲೈ 3ರವರೆಗೆ ಹತ್ತು ದಿನಗಳ ಯೋಗ ಮುದ್ರಾ ತರಬೇತಿ ಆರಂಭಿಸಿದೆ.

ಇದು ಕೇಂದ್ರ ಸರ್ಕಾರದ ಶಿಕ್ಷಣ ಸಚಿವಾಲಯದ ಫಿಟ್ ಇಂಡಿಯಾ ಉಪಕ್ರಮದ ಭಾಗವಾಗಿದೆ. ಎನ್‌ಐಟಿಕೆ ನಿರ್ದೇಶಕ ಪ್ರೊ. ಉದಯಕುಮಾರ್ ಯರಗಟ್ಟಿ ಕಾರ್ಯಕ್ರಮ ಉದ್ಘಾಟಿಸಿದರು. ಫಿಟ್ ಇಂಡಿಯಾ ಆಂದೋಲನದ ಭಾಗವಾಗಿ ನಡೆಯುವ ತರಬೇತಿಯನ್ನು ಯೋಗಗುರು ನೀರವ್ ಸಂಕೇತ್ ಸ್ವಾಮೀಜಿ ನಡೆಸಿಕೊಡುವರು.