ವಿಟ್ಲ: ಲಕ್ಷಾಂತರ ಮೌಲ್ಯದ ಆಭರಣ ಕಳವು

ವಿಟ್ಲ: ಕಾನತ್ತಡ್ಕ ಮನೆಯೊಂದರ ಹಿಂಬಾಗಿಲು ಒಡೆದು ₹ 1.25 ಲಕ್ಷ ನಗದು ಹಾಗೂ ಸುಮಾರು 115 ಗ್ರಾಂ ಚಿನ್ನದ ಆಭರಣ ಕಳವು ಮಾಡಿದ ಬಗ್ಗೆ ವಿಟ್ಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಾನತ್ತಡ್ಕ ನಿವಾಸಿ ರಹೀಮ್ ಶಾನ್ ಕುಟುಂಬದವರು ಮದುವೆಗೆ ತೆರಳಿದ್ದ ವೇಳೆ, ಫೆಬ್ರುವರಿ 5ರಂದು ರಾತ್ರಿ ಕಳವು ನಡೆದಿದೆ. ಕಪಾಟಿನಲ್ಲಿದ್ದ ಚಿನ್ನದ 3 ಬ್ರೇಸ್‌ಲೆಟ್, 4 ಸೆಟ್ ಕಿವಿಯ ಬೆಂಡೋಲೆ, ವಜ್ರವಿರುವ ಬೆಂಡೋಲೆ, ಉಂಗುರ, ಸೊಂಟದ ಆಭರಣ, ಚೈನ್, ಬಳೆಗಳು, ಪೆಂಡೆಂಟ್ ಕಳವಾಗಿದೆ.

ಮಕ್ಕಳ ವಾಚ್ ಕೂಡ ಕಳ್ಳತನ ಮಾಡಲಾಗಿದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ‌ವಿಟ್ಲ ಪೊಲೀಸ್ ನಿರೀಕ್ಷಕ ನಾಗರಾಜ್ ತಂಡ ಸ್ಥಳಕ್ಕೆ ತೆರಳಿದೆ.