ದೇವಿಕೆರೆ: ಚಹಾ ಸೇವಿಸಿದ ಇಬ್ಬರ ಸಾವು

ಜಗಳೂರು: ದೇವಿಕೆರೆ ಗ್ರಾಮದ ಹೋಟೆಲ್‌ನಲ್ಲಿ ಶುಕ್ರವಾರ ರಾತ್ರಿ ಚಹಾ ಸೇವಿಸಿ ಅಸ್ವಸ್ಥರಾಗಿದ್ದ ಇಬ್ಬರು ನಂತರ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ.

ದೇವಿಕೆರೆ ಗ್ರಾಮದ ಕಲ್ಲೇಶ್ (37) ಹಾಗೂ ಸಮೀಪದ ಬಸವಾಪುರ ಗ್ರಾಮದ ಶಂಕ್ರಾನಾಯ್ಕ (45) ಮೃತಪಟ್ಟವರು.

ಶಂಕ್ರನಾಯ್ಕ ಅವರಿಗೆ ಸೇರಿದ ಹೋಟೆಲ್‌ನಲ್ಲಿ ಶುಕ್ರವಾರ ಸಂಜೆ 7 ಗಂಟೆಗೆ ಇಬ್ಬರೂ ಚಹಾ ಸೇವಿಸಿದ್ದಾರೆ. ಕೂಡಲೇ ಅಸ್ವಸ್ಥರಾದ ಅವರನ್ನು ಕೂಡಲೇ ಜಗಳೂರಿನ ಸಾರ್ವಜನಿಕ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಚಿಕಿತ್ಸೆಗೆ ಸ್ಪಂದಿಸದೇ ಮೃತಪಟ್ಟಿದ್ದಾರೆ. ವಿಷ ಪ್ರಾಶನ ಆಗಿವರುವ ಶಂಕೆ ಇದೆ. ಬಿಳಿಚೋಡು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.