ಹರಿಹರ | ಮಳೆ: 7 ಮನೆಗಳಿಗೆ ಹಾನಿ

ಹರಿಹರ: ಮಳೆ ಹಾಗೂ ಗಾಳಿಗೆ ತಾಲ್ಲೂಕಿನಲ್ಲಿ ಒಂದು ದನದ ಕೊಟ್ಟಿಗೆ ಸೇರಿದಂತೆ ಒಟ್ಟು ಏಳು ಮನೆಗಳಿಗೆ ಹಾನಿಯಾಗಿದ್ದು ಒಟ್ಟು ₹ 6.25 ಲಕ್ಷ ನಷ್ಟವಾಗಿದೆ.

ಮಲೇಬೆನ್ನೂರು ಮತ್ತು ಕೊಕ್ಕನೂರಿನಲ್ಲಿ ಮನೆಗಳಿಗೆ ತೀವ್ರ ಹಾನಿಯಾಗಿದ್ದರೆ, ಹರಿಹರದ ಕೈಲಾಸನಗರ, ಹೊಳೆಸಿರಿಗೆರೆಯಲ್ಲಿ ತಲಾ ಒಂದು ಮನೆ ಹಾಗೂ ರಾಜನಹಳ್ಳಿಯಲ್ಲಿ 2 ಮನೆಗಳಿಗೆ ಹಾಗೂ ವಾಸನದಲ್ಲಿ ದನದ ಕೊಟ್ಟಿಗೆಗೆ ಭಾಗಶಃ ಹಾನಿಯಾಗಿದೆ. ಸ್ಥಳಕ್ಕೆ ಕಂದಾಯ ಇಲಾಖೆ ಸಿಬ್ಬಂದಿ ಭೇಟಿ ನೀಡಿ ಪರಿಶೀಲಿಸಿದರು.

ಮಳೆ ವಿವರ: ಹರಿಹರದಲ್ಲಿ 21.8 ಮಿ.ಮೀ., ಕೊಂಡಜ್ಜಿ–14 ಮಿ.ಮೀ., ಹೊಳೆಸಿರಿಗೆರೆ–40.2 ಮಿ.ಮೀ., ಮಲೇಬೆನ್ನೂರು– 16.6 ಮಿ.ಮೀ. ಮಳೆಯಾಗಿದೆ.