ಮಲೇಬೆನ್ನೂರು: ನಾಯಿ ಕಚ್ಚಿ ಮೂವರಿಗೆ ಗಾಯ

ಮಲೇಬೆನ್ನೂರು: ಪಟ್ಟಣದಲ್ಲಿ ಭಾನುವಾರ ಬಾಲಕಿ ಹಾಗೂ ಇಬ್ಬರು ಯುವಕರಿಗೆ ನಾಯಿ ಕಚ್ಚಿದ್ದು, ಗಾಯಗೊಂಡಿರುವ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಪಟ್ಟಣದ 6ನೇ ಬಡಾವಣೆಯಲ್ಲಿ ನಾಯಿಯೊಂದು ಈ ಮೂವರಿಗೆ ಕಚ್ಚಿದೆ. ಹುಚ್ಚು ನಾಯಿ ದಾಳಿ ನಡೆಸಿದೆ ಎಂಬ ಸುದ್ದಿ ಹರಡಿ ಕೆಲವರು ಮನೆಗಳ ಬಾಗಿಲು ಹಾಕಿಕೊಂಡಿದ್ದರು.

ಪಟ್ಟಣದಲ್ಲಿ ಕೆಲ ದಿನಗಳಿಂದ ಬೀದಿ ನಾಯಿಗಳ ಹಾವಳಿ ಹೆಚ್ಚಾಗಿದ್ದು, ಅವುಗಳನ್ನು ಸೆರೆಹಿಡಿಯಬೇಕು ಎಂದು ನಿವಾಸಿಗಳು ಒತ್ತಾಯಿಸಿದ್ದಾರೆ.