ಹುಬ್ಬಳ್ಳಿ | ನಕಲಿ ಅರೆಸ್ಟ್‌ ವಾರೆಂಟ್‌; ₹3.92 ಲಕ್ಷ ವಂಚನೆ

ಹುಬ್ಬಳ್ಳಿ: ನಗರದ ಗೋಪನಕೊಪ್ಪದ ಸಂಗೀತಾ ಅವರ ವಾಟ್ಸ್‌ಆ್ಯಪ್‌ ನಂಬರ್‌ಗೆ, ತಮ್ಮ ಬ್ಯಾಂಕ್‌ ಖಾತೆಯಿಂದ ಅಕ್ರಮ ಹಣ ವರ್ಗಾವಣೆಯಾಗಿದೆ ಎಂದು ನಕಲಿ ಅರೆಸ್ಟ್‌ ವಾರೆಂಟ್‌ ಕಳುಹಿಸಿ ಬೆದರಿಸಿದ ವ್ಯಕ್ತಿ, ₹3.92 ಲಕ್ಷ ವರ್ಗಾಯಿಸಿಕೊಂಡು ವಂಚಿಸಿದ್ದಾನೆ.

ಸಂಗೀತಾ ಅವರಿಗೆ ಕರೆ ಮಾಡಿರುವ ವಂಚಕ ಪ್ರದೀಪ, ಮುಂಬೈನ ಸೈಬರ್‌ ಕ್ರೈಂ ಬ್ರ್ಯಾಂಚ್‌ ಅಧಿಕಾರಿಯೆಂದು ಪರಿಚಯಿಸಿಕೊಂಡಿದ್ದ. ಅವರಿಗೆ ಹೆದರಿಸಿ ವಿವಿಧ ಬ್ಯಾಂಕ್‌ಗಳ ಮಾಹಿತಿ ಪಡೆದು, ಹಣ ವರ್ಗಾಯಿಸಿಕೊಂಡಿದ್ದಾನೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಅಶೋಕನಗರ ಪೊಲೀಸ್‌ ಠಾಣೆಯಲ್ಲಿ ‍ಪ್ರಕರಣ ದಾಖಲಾಗಿದೆ.