ಹೊಂಡದಲ್ಲಿ ಮುಳುಗಿ ಯುವಕ ಸಾವು

ಕಲಘಟಗಿ: ತಾಲ್ಲೂಕಿನ ಸ್ವಾಮಿ ಹೊಂಡದಲ್ಲಿ ಯುವಕನೋರ್ವ ಕಾಲು ಜಾರಿ ಬಿದ್ದು ನೀರಿನಲ್ಲಿ ಮುಳುಗಿ ಮೃತಪಟ್ಟಿರುವ ಘಟನೆ ಶನಿವಾರ ನಡೆದಿದೆ.

ಹುಬ್ಬಳ್ಳಿಯ ಅಜರ್ ಅಹ್ಮದ್ ದೊಡ್ಡಮನಿ (28) ಮೃತಪಟ್ಟವರು. ಅಗ್ನಿಶಾಮಕ ದಳದ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ಮೃತ ದೇಹವನ್ನು ಭಾನುವಾರ ಹೊರತೆಗೆದರು.

ಈ ಕುರಿತು ಕಲಘಟಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಅಗ್ನಿಶಾಮಕ ದಳದ ಠಾಣಾಧಿಕಾರಿ ಅರುಣ್ ಮಾಳೋದೆ, ಟಿ.ಕೆ ರಾಠೋಡ, ಉಮೇಶ ತೆಂಬದ, ಹನುಮಂತ ರಜಪೂತ, ಸಂಜೀವ ದೊಡ್ಡಮನಿ, ಕಿರಣ್ ಕುರುಬೆಟ್‌ ಕಾರ್ಯಚರಣೆಯಲ್ಲಿ ಇದ್ದರು.