ಕೆಎಂಸಿಆರ್‌ಐ; ಈಶ್ವರ ಹೊಸಮನಿ ನಿರ್ದೇಶಕ

ಹುಬ್ಬಳ್ಳಿ: ಕರ್ನಾಟಕ ವೈದ್ಯಕೀಯ ಮಹಾವಿದ್ಯಾಲಯ ಮತ್ತು ಸಂಶೋಧನಾ ಸಂಸ್ಥೆಯ (ಕೆಎಂಸಿಆರ್‌ಐ) ಪ್ರಭಾರ ನಿರ್ದೇಶಕರಾಗಿ ಡಾ.ಈಶ್ವರ ಹೊಸಮನಿ ಗುರುವಾರ ಅಧಿಕಾರ ಸ್ವೀಕರಿಸಿದರು.

ಈ ಹಿಂದಿನ ನಿರ್ದೇಶಕ ಡಾ.ಎಸ್.ಎಫ್‌.ಕಮ್ಮಾರ ಅವರ ಸ್ಥಾನಕ್ಕೆ ಈಶ್ವರ ಹೊಸಮನಿ ಅವರನ್ನು ಸರ್ಕಾರ ನೇಮಿಸಿದೆ. ಶಸ್ತ್ರಚಿಕಿತ್ಸಾ ವಿಭಾಗದ ಪ್ರಾಧ್ಯಾಪಕರಾದ ಅವರು, ಕೆಎಂಸಿಆರ್‌ಐ ಪ್ರಭಾರ ಪ್ರಾಂಶುಪಾಲರಾಗಿಯೂ  ಕಾರ್ಯನಿರ್ವಹಿಸುವರು. ಇದೇ ಕಾಲೇಜಿನಲ್ಲಿ ಎಂ.ಬಿ.ಬಿ.ಎಸ್‌ ಹಾಗೂ ಎಂ.ಎಸ್‌ ವ್ಯಾಸಂಗ ಪೂರ್ಣಗೊಳಿಸಿರುವ ಅವರು, 2006ರಿಂದ ಪ್ರಾಧ್ಯಾಪಕರಾಗಿದ್ದಾರೆ.