ಮಾದಕ ದ್ರವ್ಯ: ದುಷ್ಪರಿಣಾಮದ ಅರಿವು

ಬೆಳವಣಕಿ (ರೋಣ): ಬೆಳವಣಕಿ ಹಾಗೂ ಯಾವಗಲ್‌ ಗ್ರಾಮದಲ್ಲಿ ರೋಣ ಪೋಲಿಸ್‌ ಠಾಣೆ ವತಿಯಿಂದ ಅಂತರರಾಷ್ಟ್ರೀಯ ಮಾದಕ ದ್ರವ್ಯ ವಿರೋಧಿ ದಿನ ಆಚರಿಸಲಾಯಿತು.

ಸ್ಥಳೀಯ ಬಸ್‌ ನಿಲ್ದಾಣದ ಹತ್ತಿರ ಮಾದಕ ದ್ರವ್ಯ ವಸ್ತುಗಳ ಸೇವನೆಯಿಂದಾಗು ದುಷ್ಪರಿಣಾಮಗಳ ಕುರಿತು ಜನರಲ್ಲಿ ಜಾಗೃತಿ ಮೂಡಿಸಲಾಯಿತು.

ಪೊಲೀಸ್‌ ಇಲಾಖೆ ಸಿಬ್ಬಂದಿ ಆನಂದ ಮೇಟಿ ಮಾತನಾಡಿ, ‘ಮಾದಕ ದ್ರವ್ಯಗಳ ಸೇವನೆ ಮತ್ತು ಕಳ್ಳ ಸಾಗಣೆ ಅಪರಾಧವಾಗಿದೆ. ಇದು ವ್ಯಕ್ತಿಯಷ್ಟೇ ಅಲ್ಲದೆ ಕುಟುಂಬ ಹಾಗೂ ಸಮಾಜದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ಯುವಜನರು ಮಾದಕ ವಸ್ತುಗಳಿಂದ ದೂರವಿದ್ದು, ಉತ್ತಮ ಸಮಾಜ ನಿರ್ಮಾಣಕ್ಕೆ ಕೈಜೋಡಿಸಬೇಕು’ ಎಂದರು.

ಯಾವಗಲ್‌ ಗ್ರಾಮದ ಶಿಕ್ಷಣ ಸಂಸ್ಥೆಯಲ್ಲಿ ವಿದ್ಯಾರ್ಥಿಗಳಿಗೆ ಆರೋಗ್ಯಕರ ಜೀವನಶೈಲಿ ಆಯ್ಕೆ ಮಾಡುವಂತೆ ಹಾಗೂ ಮಾದಕ ವಸ್ತು ಸೇವನೆಯಿಂದ ದೂರವಿರುವಂತೆ ಅರಿವು ಮೂಡಿಸಲಾಯಿತು.

ಹೇಮಣ್ಣ ಅಳಗವಾಡಿ, ಅಲ್ಲಾಸಾಹೇಬ, ಮಾರುತಿ ಕಮ್ಮಾರ, ನಾಗಪ್ಪ ಮಾದರ, ಶರಣಪ್ಪ ವಡ್ಡಟ್ಟಿ, ರಾಜೇಸಾಬ್‌ ನದಾಫ್‌, ಹುಸೇನಸಾಬ್‌ ಕುರ್ಲಗೇರಿ, ಶರಣಪ್ಪ ದಾನಿ, ಮುತ್ತು ನಂದಿಕೋಲ, ಫರಿದಸಾಬ್‌ ಅತ್ತಾರ, ಗುರುರಾಜ ಶೆಟ್ಟರ, ಮಾರುತಿ ಸಣಕಲ್‌ ಇದ್ದರು.