ವಿವಿ ಪ್ಯಾಟ್ ಯಂತ್ರಗಳ ತಪಾಸಣೆ

ಹಾಸನ: ಕೇಂದ್ರ ಚುನಾವಣಾ ಆಯೋಗದ ನಿರ್ದೇಶನ ಅನ್ವಯ ಜಿಲ್ಲೆಯಲ್ಲಿ ದಾಸ್ತಾನು ಆಗಿರುವ ವಿದ್ಯುನ್ಮಾನ ಮತಯಂತ್ರ ಮತ್ತು ವಿವಿ ಪ್ಯಾಟ್ ಯಂತ್ರಗಳ ಪ್ರಥಮ ಹಂತದ ತಪಾಸಣೆ ಕಾರ್ಯ ನಡೆಯಿತು.

ಗುರುವಾರ ರಾಜಕೀಯ ಪಕ್ಷಗಳ ಪದಾಧಿಕಾರಿಗಳ ಸಮ್ಮುಖದಲ್ಲಿ ಮಾಕ್ ಪೋಲ್ (ಪ್ರಾತ್ಯಕ್ಷಿಕೆ) ಕಾರ್ಯ ನಡೆಸಲಾಯಿತು. ಹೊಸದಾಗಿ ಪರಿಚಯಿಸಲಾಗಿರುವ ವಿವಿ ಪ್ಯಾಟ್ ಯಂತ್ರದ ಬಗ್ಗೆ ವಿವರಣೆಯನ್ನು ಜಿಲ್ಲಾಧಿಕಾರಿ ನೀಡಿದರು.

ಹೆಚ್ಚುವರಿ ಜಿಲ್ಲಾಧಿಕಾರಿ, ಪ್ರೊಬೆಷನರಿ ಕೆ.ಎ.ಎಸ್ ಅಧಿಕಾರಿಗಳು, ಯೋಜನಾ ನಿರ್ದೇಶಕರು ಡಿ.ಯು.ಡಿಸಿ, ಕಾಂಗ್ರೆಸ್ ಪಕ್ಷದ ಪದಾಧಿಕಾರಿ ನಾರಾಯಣಗೌಡ, ಬಿಜೆಪಿ ಪದಾಧಿಕಾರಿ ಪ್ರವೀಣ್ ಹಾಜರಿದ್ದರು.

ಮೊದಲ ಹಂತದ ಪರಿಶೀಲನೆ ಮುಗಿದಿರುವ ಮತಯಂತ್ರಗಳನ್ನು ಬಳಸಿ ಪ್ರಾಯೋಗಿಕ ಅಣಕು ಮತದಾನ ಪ್ರದರ್ಶನ ವಿವಿಧ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳ ಸಮ್ಮುಖದಲ್ಲಿ ನಡೆಯಿತು.