ಹಾಸನ ಜಿಲ್ಲೆಯಲ್ಲಿ ಶೇ 65.64 ಮತದಾನ

ಹಾಸನ: ದಕ್ಷಿಣ ಪದವೀಧರ ಕ್ಷೇತ್ರದ ಚುನಾವಣೆಯಲ್ಲಿ ಜಿಲ್ಲೆಯಾದ್ಯಂತ ಮತದಾನ ಬಿರುಸಿನಿಂದ ನಡೆದಿದ್ದು, ಸಂಜೆ 4 ಗಂಟೆಯವರೆಗೆ ಶೇ 65.64 ರಷ್ಟು ಮತದಾನವಾಗಿದೆ. ಸಂಜೆ 5 ಗಂಟೆಯವರೆಗೆ ಮತದಾನ ನಡೆಯಲಿದೆ.

ಬೆಳಿಗ್ಗೆ ನಿಧಾನಗತಿಯಲ್ಲಿ ಶುರುವಾಗಿದ್ದ ಮತದಾನ ಮಧ್ಯಾಹ್ನದ ವೇಳೆಗೆ ಚುರುಕಾಗಿತ್ತು. ಮಧ್ಯಾಹ್ನ 2 ಗಂಟೆಗೆ ಶೇ 44 ರಷ್ಟು ಮತದಾನವಾಗಿತ್ತು.

ಇದುವರೆಗೆ ಆಲೂರು ತಾಲ್ಲೂಕಿನ ಗರಿಷ್ಠ ಶೇ 77, ಅರಸೀಕೆರೆ ತಾಲ್ಲೂಕಿನಲ್ಲಿ ಶೇ 71, ಹೊಳೆನರಸೀಪುರ ತಾಲ್ಲೂಕಿನಲ್ಲಿ ಶೇ 69, ಬೇಲೂರು ಶೇ 67.62, ಅರಕಲಗೂಡು ಶೇ 66.70, ಚನ್ನರಾಯಪಟ್ಟಣ ಶೇ 64.39, ಸಕಲೇಶಪುರ ಶೇ 63.15 ಹಾಗೂ ಹಾಸನ ತಾಲ್ಲೂಕಿನಲ್ಲಿ ಶೇ 62 ರಷ್ಟು ಮತದಾನವಾಗಿದೆ.