ರಟ್ಟೀಹಳ್ಳಿ: ಗ್ರಾಮವನ್ನು ನೂತನ ತಾಲ್ಲೂಕು ಎಂದು ಘೋಷಣೆ ಮಾಡಿದ ಬಳಿಕ ಒಂದೊಂದಾಗಿ ತಾಲ್ಲೂಕು ಮಟ್ಟದ ಕಚೇರಿಗಳ ನಾಮಫಲಕಗಳು ಗ್ರಾಮದಲ್ಲಿ ಕಾಣಿಸಿಕೊಳ್ಳುತ್ತಿವೆ. ಗ್ರಾಮದಲ್ಲಿ ಕ್ಷೇತ್ರ ಶಿಕ್ಷಣಾಧಿಕಾರಿಗಳ ನೂತನ ಕಚೇರಿಯು ಶುಕ್ರವಾರ ಅಂತಿಮ ಸ್ವರೂಪ ಪಡೆದು ಉದ್ಘಾಟನೆಗೆ ಸಿದ್ಧವಾಗಿದೆ.
ನೂತನ ತಾಲ್ಲೂಕಿನಲ್ಲಿ ಒಟ್ಟು 63 ಗ್ರಾಮಗಳ 136 ಶಾಲೆಗಳಲ್ಲಿ ಒಟ್ಟು 15,176 ವಿದ್ಯಾರ್ಥಿಗಳು ಓದುತ್ತಿದ್ದಾರೆ. ನೂತನ ಕಚೇರಿಗೆ ವಿವಿಧ ಶಾಲೆಗಳ ಮತ್ತು ದಾನಿಗಳು ಅನೇಕ ಪೀಠೋಪಕರಣಗಳು ನೀಡಿದ್ದಾರೆ. ಹಿರೇಕೆರೂರ ಕ್ಷೇತ್ರ ಶಿಕ್ಷಣಾಧಿಕಾರಿ ಯು.ಬಸವರಾಜಪ್ಪ ನೂತನ ಕಟ್ಟಡಕ್ಕೆ ಭೇಟಿ ನೀಡಿ, ಪರಿಶೀಲನೆ ಮಾಡಿದರು. ಶಿಕ್ಷಣ ಸಂಯೋಜಕ ಎಚ್.ಎಚ್.ಜಾಡರ, ವಿ.ಆರ್.ಪೂಜಾರ ಹಾಗೂ ಎ.ಎಂ.ರಶ್ಮಿ ಇದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.