ನಾಯಿ ಕಚ್ಚಿ 5ಕ್ಕೂ ಹೆಚ್ಚು ಮಂದಿಗೆ ಗಾಯ

ಕಲಬುರಗಿ: ಬಾಪುನಗರದ ಮಾಂಗರವಾಡಿಯಲ್ಲಿ ಬುಧವಾರ ನಾಯಿ ಕಡಿತದಿಂದ ಐದು ವರ್ಷದ ಬಾಲಕ ಸೇರಿ 5ಕ್ಕೂ ಹೆಚ್ಚುಮಂದಿ ಗಾಯಗೊಂಡಿದ್ದಾರೆ.

ಮಾಗರವಾಡಿಯಲ್ಲಿ ಬೀದಿ ನಾಯಿಗಳ ಹಾವಳಿ ಹೆಚ್ಚಾಗಿದೆ. ರಸ್ತೆಯ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವಿನೋದ್ ಕಾಂಬಳೆ, ಹೀರಲಾಲ್ ಕಾಳೆ, ಶಕ್ತಿ ಪಾಟೀಲ, ಗೋವಿಂದ ಪಾಟೀಲ, ಐದು ವರ್ಷದ ಬಾಲಕ ಬಾಹುಬಲಿ ಸತೀಶ್ ಸೇರಿ ಇತರು ಗಾಯಗೊಂಡಿದ್ದಾರೆ. ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆದಿದ್ದಾರೆ ಎಂದು ನಿವಾಸಿ ಅಜಯ್ ಹೇಳಿದ್ದಾರೆ.