ಜೇವರ್ಗಿ | ಬಾರದ ಪಿಡಿಒ: ಗ್ರಾ.ಪಂ. ಕಚೇರಿಗೆ ಬೀಗ ಹಾಕಿದ ಸದಸ್ಯೆ

ಜೇವರ್ಗಿ (ಕಲಬುರಗಿ ಜಿಲ್ಲೆ): ತಾಲ್ಲೂಕಿನ ಸೊನ್ನ ಗ್ರಾಮದಲ್ಲಿ ಪಂಚಾಯಿತಿಗೆ ಪಿಡಿಒ ಬಾರದ ಕಾರಣ ಬೇಸತ್ತ ಸದಸ್ಯೆ ಸಾಬಮ್ಮ ಅವರು ಕಚೇರಿ ಬಾಗಿಲಿಗೆ ಬುಧವಾರ ಬೀಗ ಹಾಕಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

‘ಪಿಡಿಒ ಸಲೀಂ ಪಟೇಲ್ ಕೆಲ ತಿಂಗಳಿಂದ ಬರುತ್ತಿಲ್ಲ. ಗ್ರಾಮಸ್ಥರು ನಿತ್ಯ ಪಂಚಾಯಿತಿಗೆ‌ ಎಡತಾಕುತ್ತಾರೆ. ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತಿಲ್ಲ. ತಾ.‍ಪಂ ಇಒ ಗಮನಕ್ಕೆ ತಂದರೂ ಪ್ರಯೋಜನವಾಗಿಲ್ಲ’ ಎಂದು ಸಾಬಮ್ಮ ತಿಳಿಸಿದರು.

‘ಈ ಬಗ್ಗೆ ಜಿಲ್ಲಾ ಪಂಚಾಯಿತಿ ಸಿಇಒ ಅವರಿಗೆ ದೂರು ನೀಡುತ್ತೇವೆ’ ಎಂದು ಹೇಳಿದರು.