ಕಲಬುರಗಿ: ಅಕ್ರಮ ಸಕ್ರಮ ಯೋಜಯಡಿ 4,179 ಹಕ್ಕುಪತ್ರ ವಿತರಣೆ

ಕಲಬುರಗಿ: ಜಿಲ್ಲೆಯಲ್ಲಿ 94ಸಿ ಗ್ರಾಮೀಣ ಭೂಮಿ ಮತ್ತು 94 ಸಿಸಿ ನಗರ ಯೋಜನೆಯಡಿಯಲ್ಲಿ ಸರ್ಕಾರಿ ಜಮೀನಿನಲ್ಲಿ ಮನೆ ಕಟ್ಟಿಕೊಂಡವರಿಗೆ ಅಕ್ರಮ ಸಕ್ರಮ ಯೋಜಯಡಿ ಒಟ್ಟು 4,179 ಹಕ್ಕುಪತ್ರಗಳನ್ನು ವಿತರಿಸಲಾಗಿದೆ ಎಂದು ಕಂದಾಯ ಸಚಿವ ಕೃಷ್ಣ ಬೈರೇಗೌಡ ತಿಳಿಸಿದ್ದಾರೆ.

ವಿಧಾನ ಪರಿಷತ್‌ನಲ್ಲಿ ಸದಸ್ಯ ಬಿ.ಜಿ.ಪಾಟೀಲ ಅವರ ಪ್ರಶ್ನೆಗೆ ಉತ್ತರಿಸಿದ ಸಚಿವರು, ‘94 ಸಿ ಗ್ರಾಮೀಣ ಯೋಜನೆಯಡಿ 4,144 ಹಾಗೂ 94 ಸಿಸಿ ನಗರ ಯೋಜನೆಯಡಿ 35 ಮನೆಗಳಿಗೆ ಹಕ್ಕುಪತ್ರ ನೀಡಲಾಗಿದೆ’ ಎಂದು ತಿಳಿಸಿದ್ದಾರೆ.

‘ಯಾದಗಿರಿ ಜಿಲ್ಲೆಯಲ್ಲಿ 94 ಸಿ ಗ್ರಾಮೀಣ ಯೋಜನೆಯಡಿ 239 ಮತ್ತು ನಗರ ಯೋಜನೆಯಡಿ 88 ಮನೆಗಳಿಗೆ ಹಕ್ಕುಪತ್ರ ನೀಡಲಾಗಿದೆ’ ಎಂದು ತಿಳಿಸಿದ್ದಾರೆ.