ಹೊಸ ವರ್ಷ: ಮುಂಬೈ–ಹೈದರಾಬಾದ್ ನಡುವೆ ವಿಶೇಷ ರೈಲು

ಕಲಬುರಗಿ: ಹೊಸ ವರ್ಷದ ಹಿನ್ನೆಲೆಯಲ್ಲಿ ಪ್ರಯಾಣಿಕರ ಅನುಕೂಲಕ್ಕಾಗಿ ಮಧ್ಯ ರೈಲ್ವೆಯು ಕಲಬುರಗಿ, ವಾಡಿ ಮೂಲಕ ಮುಂಬೈ–ಹೈದರಾಬಾದ್ ನಡುವೆ ವಿಶೇಷ ರೈಲು ಸೇವೆ ಆರಂಭಿಸಿದೆ.

ಹೈದರಾಬಾದ್-ಎಲ್‌ಟಿಟಿ ಮುಂಬೈ (07458) ವಿಶೇಷ ರೈಲು ಡಿಸೆಂಬರ್ 28ರಂದು ಸಂಜೆ ಹೈದರಾಬಾದ್‌ನಿಂದ ಹೊರಟಿದ್ದು, ಬೇಗಂಪೇಟ್, ಲಿಂಗಂಪಲ್ಲಿ, ವಿಕಾರಾಬಾದ್, ತಾಂಡೂರು, ವಾಡಿ, ಕಲಬುರಗಿ, ಸೋಲಾಪುರ, ಪುಣೆ, ಕಲ್ಯಾಣ್ ಮಾರ್ಗವಾಗಿ ಮರುದಿನ ಬೆಳಿಗ್ಗೆ 10.40ಕ್ಕೆ ಮುಂಬೈ ತಲುಪಲಿದೆ.

ಅದೇ ರೀತಿ ಎಲ್‌ಟಿಟಿ ಮುಂಬೈ-ಹೈದರಾಬಾದ್ ವಿಶೇಷ ರೈಲು (07459) ಡಿಸೆಂಬರ್ 29ರಂದು ಮಧ್ಯಾಹ್ನ 3.20ಕ್ಕೆ ಎಲ್‌ಟಿಟಿ ಮುಂಬೈನಿಂದ ಹೊರಟು ಮರುದಿನ ಬೆಳಿಗ್ಗೆ 9ಕ್ಕೆ ಹೈದರಾಬಾದ್‌ ತಲುಪಲಿದೆ ಎಂದು ಸೋಲಾಪುರ ವಿಭಾಗದ ಸಾರ್ವಜನಿಕ ಸಂಪರ್ಕಾಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.