ಹಾಸನ–ಸೊಲ್ಲಾಪುರ ರೈಲು ಸಂಚಾರ 4 ದಿನ ರದ್ದು

ಕಲಬುರಗಿ: ಯಲಹಂಕ–ಪೆನುಕೊಂಡ ವಲಯದ ಜೋಡಿ ಮಾರ್ಗ ಕಾಮಗಾರಿ ಅಂಗವಾಗಿ ಹಿಂದುಪುರ–ದೇವರಪಲ್ಲಿ ಮಾರ್ಗದಲ್ಲಿ ಮೂರನೇ ಹಂತದಲ್ಲಿ ಹಳಿಗಳನ್ನು ಅಳವಡಿಸುವ ಕಾರ್ಯ ನಡೆಯಲಿರುವುದರಿಂದ ಇದೇ 16ರಿಂದ 20ರವರೆಗೆ ದಕ್ಷಿಣ ಮಧ್ಯ ರೈಲ್ವೆಯು ಸೊಲ್ಲಾಪುರ–ಹಾಸನ (01311) ರೈಲು ಸಂಚಾರವನ್ನು ರದ್ದುಗೊಳಿಸಿದೆ.

ಸೊಲ್ಲಾಪುರದಿಂದ ಹಾಸನಕ್ಕೆ ತೆರಳುವ ರೈಲು 16ರಿಂದ 19ರವರೆಗೆ ಸಂಚಾರ ಸ್ಥಗಿತಗೊಳಿಸಲಿದೆ. ಹಾಸನದಿಂದ ಸೊಲ್ಲಾಪುರಕ್ಕೆ (01312) ಬರುವ ರೈಲು ಅ 17ರಿಂದ 20ರವರೆಗೆ ಸಂಚಾರ ನಡೆಸುವುದಿಲ್ಲ ಎಂದು ರೈಲ್ವೆ ಪ್ರಕಟಣೆ
ತಿಳಿಸಿದೆ.