ಕಾಡಾನೆ ದಾಳಿ: ಇಬ್ಬರ ಸಾವು

ಮಡಿಕೇರಿ/ಮೈಸೂರು: ಕೊಡಗು ಜಿಲ್ಲೆಯ ಪೊನ್ನಂಪೇಟೆ ತಾಲ್ಲೂಕಿನ ದೇವರಪುರದ ಅಣ್ಣಯ್ಯ (41) ಹಾಗೂ ಮೈಸೂರು ಜಿಲ್ಲೆಯ ಎಚ್‌.ಡಿ.ಕೋಟೆ ತಾಲ್ಲೂಕಿನ ಡಿ.ಬಿ.ಕುಪ್ಪೆ ಪಂಚಾಯ್ತಿಯ ಬಳ್ಳೆ ಅರಣ್ಯವಲಯದ ಬಳ್ಳೆ ಹಾಡಿಯ ಸುಶೀಲ (46) ಆನೆ ದಾಳಿಯಿಂದ ಬುಧವಾರ ಮೃತಪಟ್ಟರು. ಸುಶೀಲ ಅವರ ಪತಿ ರಾಜು ಮತ್ತು ಮಗ ಸುದೀಪ್‌ ಗಾಯಗೊಂಡಿದ್ದು, ಪಟ್ಟಣದ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

‌‘ಅಣ್ಣಯ್ಯ ಅವರು ದೇವರಪುರದಿಂದ ಕಾಫಿ ತೋಟಕ್ಕೆ ಕೆಲಸಕ್ಕೆ ಹೋಗುವಾಗ ಕಾಡಾನೆ ದಾಳಿಗೆ ಸಿಲುಕಿ ಸ್ಥಳದಲ್ಲೇ ಮೃತಪಟ್ಟರು’ ಎಂದು ವಲಯ ಅರಣ್ಯ ಅಧಿಕಾರಿ ಗಂಗಾಧರ ತಿಳಿಸಿದರು.