ದೊಡ್ಡಕಲ್ಲಹಳ್ಳಿ: ಗೃಹಿಣಿ ಆತ್ಮಹತ್ಯೆ

ಮಾಲೂರು: ತಾಲ್ಲೂಕಿನ ದೊಡ್ಡ ಕಲ್ಲಹಳ್ಳಿ ಗ್ರಾಮದಲ್ಲಿ ಶುಕ್ರವಾರ ಗೃಹಿಣಿ ಮೋಹನಾ (23) ಮನೆಯಲ್ಲಿ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಅನೇಕಲ್ ನಿವಾಸಿಯಾದ ಮೋಹನಾ ದೊಡ್ಡಕಲ್ಲಹಳ್ಳಿ ಗ್ರಾಮದ ಮಹೇಶ್ ಚಂದ್ರ ಅವರನ್ನು 11 ತಿಂಗಳ ಹಿಂದೆ ಮದುವೆಯಾಗಿದ್ದರು.

‘ಮಹೇಶ್ ಚಂದ್ರ ಮನೆಯವರು ಹಣ ತರುವಂತೆ ಪುತ್ರಿಯನ್ನು ಪೀಡಿಸುತ್ತಿದ್ದರು. ಇದರಿಂದ ನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ’ ಎಂದು ಮೋಹನಾ ಪೋಷಕರು ದೂರು ನೀಡಿದ್ದಾರೆ.

ಮಹೇಶ್ ಚಂದ್ರ ಹಾಗೂ ಅವರ ತಂದೆಯನ್ನು ಪೊಲೀಸರು ಬಂಧಿಸಿದ್ದಾರೆ.ಮಾಸ್ತಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.