ಬಾಲಕನಿಗೆ ಬೈಕ್ ನೀಡಿದವನಿಗೆ ₹25 ಸಾವಿರ ದಂಡ

ಗಂಗಾವತಿ: ಅಪ್ರಾಪ್ತ ಬಾಲಕನಿಗೆ ಚಾಲನೆಗೆ ಬೈಕ್ ನೀಡಿದ ಬೈಕ್ ಮಾಲಿಕನಿಗೆ ಗಂಗಾವತಿ ಜೆಎಂಎಫ್‌ಸಿ ನ್ಯಾಯಾಲಯ ₹25 ಸಾವಿರ ದಂಡ ವಿಧಿಸಿದ ಘಟನೆ ಈಚೆಗೆ ಜರುಗಿದೆ.

ನಗರದ ಪಂಪಾನಗರ ಬಳಿ ಅಪ್ರಾಪ್ತ ಬಾಲಕ ಬೈಕ್ ಚಲಾಯಿಸುತ್ತಿದ್ದ. ಕರ್ತವ್ಯದಲ್ಲಿದ್ದ ಸಂಚಾರಿ ಠಾಣೆ ಪಿಎಸ್ಐ ಶಾರದಮ್ಮ ಅವರು ತಡೆದು ಬಾಲಕನಿಂದ ಮಾಹಿತಿ ಪಡೆದು ಬೈಕ್ ಮಾಲಿಕನ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದರು.

ಪ್ರಕರಣ ಗಂಭೀರವಾಗಿ ಪರಿಗಣಿಸಿದ ನ್ಯಾಯಾಲಯ ಬೈಕ್ ಮಾಲಿಕನಿಗೆ ₹25 ಸಾವಿರ ದಂಡ ವಿಧಿಸಿ ಆದೇಶಿಸಿದೆ.