ಆನ್‍ಲೈನ್‍ನಲ್ಲಿ ಮಗುವಿಗೆ ನಾಮಕರಣ

ಹನುಮಸಾಗರ: ಲಾಕ್‍ಡೌನ್ ಕಾರಣಕ್ಕೆ ವಿಡಿಯೋ ಕಾಲ್ ಮೂಲಕವೇ ಮಗುವಿನ ನಾಮಕರಣ ಮಾಡಿದ ಘಟನೆ ಇಲ್ಲಿನ ಶಿವರಾಜ ಬಂಡಿಹಾಳ ಕುಟುಂಬದಲ್ಲಿ ಶುಕ್ರವಾರ ನಡೆದಿದೆ.

ಶಿವರಾಜ ಬಂಡಿಹಾಳ ಹಾಗೂ ಸುನೀಲ್ ಹಳ್ಳಿ ಅಳಿಯ, ಮಾವಂದಿರು. ಗದಗಿನಲ್ಲಿರುವ ಸುನೀಲ್ ಹಳ್ಳಿ ಹಾಗೂ ಸುಷ್ಮಾ ಹಳ್ಳಿ ಅವರ ಎರಡನೇ ಮಗಳ ನಾಮಕರಣವನ್ನು ಕೋವಿಡ್ ಲಾಕ್‍ಡೌನ್ ಕಾರಣಕ್ಕೆ ವಿಡಿಯೋ ಕಾಲ್‍ನಲ್ಲಿ ನಡೆಸಲು ನಿರ್ಧರಿಸಿದ್ದರು. ಅದರಂತೆ ಇಲ್ಲಿನ ಶಿವರಾಜ ಅವರ ಹಿರಿಯ ಪುತ್ರ ಚಿರಾಗ್ ಅವರು, ಮಗುವಿಗೆ ಆನ್‍ಲೈನ್ ಮೂಲಕ ನಾಮಕರಣ ಮಾಡಿದರು.

ಗದಗ ಹಾಗೂ ಹನುಮಸಾಗರದ ಬಂಧುಗಳು ಮೊಬೈಲ್ ಮೂಲಕವೇ ಸಾಕ್ಷಿಯಾಗಿ ಪರಸ್ಪರ ಶುಭಕೋರಿದರು.